ریاض ایئرپورٹ پر 2 میزائل حملوں میں طیارے تباہ : سعودی عرب کا اعتراف

سچ خبریں: سعودی ایوی ایشن اتھارٹی نے تصدیق کی ہے کہ ریاض کے کنگ خالد ایئرپورٹ پر 2 حملے ہوئے، جن میں ایک طیارہ اور ایئرپورٹ کی تنصیبات کو نشانہ بنایا گیا۔ 

ادارے کے مطابق پہلے حملے میں ایئرپورٹ سے منسلک تنصیبات کو اور دوسرے حملے میں سعودی ایئر لائنز کے ایک طیارے کو نشانہ بنایا گیا۔

اس سے چند گھر قبل خبر رساں ایجنسی فرانس پریس کے ذرائع نے بتایا تھا کہ ریاض کے کنگ خالد ایئرپورٹ پر زوردار دھماکوں کے چند گھنٹے بعد کم از کم ایک طیارہ شدید متاثر ہوا ہے۔

روئٹرز نے بھی 3 ذرائع کے حوالے سے بتایا کہ ریاض ایئرپورٹ پر نظر آنے والا دھواں ایک طیارے سے اٹھ رہا تھا۔

یمن کی مسلح افواج کے ترجمان نے گزشتہ رات اعلان کیا تھا کہ ہم نے جمعرات کی شب ریاض کے کنگ خالد ایئرپورٹ کو 2 کروز میزائلوں سے، نجران ایئرپورٹ کو ایک بیلسٹک میزائل سے اور خمیس مشیط کے ایئر بیس کو ایک بیلسٹک میزائل سے نشانہ بنایا۔

بریگیڈیئر یحییٰ سریع نے سوشل میڈیا پر جاری اپنے پیغام کے ایک اور حصے میں مزید کہا کہ یہ حملے اللہ کے فضل سے درست اور براہ راست نشانے پر ہوئے، جس کے نتیجے میں دونوں ایئرپورٹس پر ہوائی آمد و رفت متاثر ہوئی اور انہیں اور ایئر بیس کو نقصان پہنچا۔

ذرائع ابلاغ کے مطابق یمنی مسلح افواج کے میزائل حملے میں ریاض ایئرپورٹ پر کم از کم 3 طیارے متاثر ہوئے، جن میں سے ایک کو شدید تباہی پہنچی ہے۔