صیہونی حملوں میں 24 لبنانی شہید، جنوبی لبنان میں شدید بمباری 

?️ 12 اپریل 2026

سچ خبریں:لبنان کی وزارتِ صحت کے ذرائع کے مطابق صیہونی حملوں میں آج 24 لبنانی شہری شہید ہوگئے جبکہ حزب اللہ نے بھی متعدد صیہونی فوجی ٹھکانوں پر جوابی حملوں کی ذمہ داری قبول کی ہے۔

المیادین نیوز چینل کی رپورٹ کے مطابق لبنانی ذرائع نے اطلاع دی ہے کہ آج لبنان کی جانب سے مقبوضہ علاقوں پر بھاری راکٹ فائر کیے گئے اور الجلیل علیا کے متعدد صہیونی آبادیاتی مراکز میں خطرے کے سائرن بجنے کی آوازیں سنائی دیں۔

صیہونی میڈیا نے بھی مغربی الجلیل کے علاقوں میرون اور سعسع میں سائرن بجنے کی تصدیق کی ہے۔

اسی دوران حزب اللہ نے ایک بیان میں اعلان کیا ہے کہ اس نے جنوب میں الخیام شہر کے جنوب میں واقع الحمامص کی پہاڑی پر صیہونی فوجیوں کے اجتماع اور ان کے فوجی سازوسامان کو متعدد راکٹوں سے نشانہ بنایا ہے۔ اس کے علاوہ پادگان بیت ہلل میں السہل بٹالین کے کمانڈ ہیڈکوارٹر پر بھی راکٹ حملہ کیا گیا۔

ان حملوں کے ساتھ ہی المیادین کے جنوبی لبنان میں موجود رپورٹر نے وزارت صحت لبنان سے منسلک ذرائع کے حوالے سے بتایا کہ آج صبح سے اب تک جنوبی لبنان پر صیہونی حملوں کے نتیجے میں 24 افراد شہید ہو چکے ہیں۔

کچھ لمحے قبل جنوبی لبنان کے شہر صریفا کو بھی صیہونی جنگی طیاروں نے بمباری کا نشانہ بنایا۔