کیا TikTok کی مقبولیت امریکی طاقت کے سینے میں خنجر ہے؟

?️ 2 مارچ 2023

سچ خبریں:میڈیا اور مواصلاتی پروگراموں کی دنیا میں، ٹک ٹاک، دنیا کے مقبول ترین پروگراموں میں سے ایک کے طور پر، پوری دنیا کے لوگوں میں چھا گیا ہے، یہاں تک کہ امریکی عوام بھی اس پروگرام کے سب سے اہم مداحوں میں سے ایک ہیں جس کی وجہ سے امریکی حکومت نے ٹِک ٹاک سے خوفزدہ ہو کر کہا کہ جس طرح "ڈیجیٹل فینٹینیل” اور چرس ایک نشہ آور مادہ ہے بالکل اسی طرح ٹِک ٹاک بھی ہے۔

TikTok کو بائٹ ڈانس نامی چینی کمپنی نے 2016 میں لانچ کیا جس کے بعد یہ دنیا بھر میں 150 سے زیادہ مختلف مارکیٹوں میں تیزی سے پھیل چکا ہے، بیجنگ کے علاوہ یہ لاس اینجلس، ماسکو، ممبئی، سیول اور ٹوکیو میں یہ پروگرام 2022 میں ایک بلین یومیہ صارفین کے ساتھ مقبول رہا ہے،ٹک ٹوک کو مواد سے خالی اور اکثر تفریحی ویڈیوز شیئر کرنے کے لیے بہت زیادہ استعمال جاتا ہے، خاص طور پر چونکہ اسے ہر صارف کی ماضی کی سرگرمیوں اور موجودہ دلچسپیوں کے مطابق بنایا گیا ہے، اس کے علاوہ، آپ اس میں اکاؤنٹس، مخصوص آوازیں اور ہیش ٹیگز تلاش کرسکتے ہیں اور دریافت سیکشن میں تلاش کے ذریعے مواد تک رسائی حاصل کرسکتے ہیں،اس پروگرام کے سامعین صرف نوعمر یا نوجوان ہی نہیں ہیں بلکہ یہاں مختلف عمر کے مختلف صارفین بھی دیکھنے کو ملیں گے، ان دنوں، 25% صارفین کی عمریں 10 سے 19 سال کے درمیان ہیں جبکہ 22.4% کی عمر 20 سے 29 سال کے درمیان ہے، 20.1% کی عمر 30 سے 39 سال کے درمیان ہے، اور 11% کی عمر 50 سال سے زیادہ ہے؛ البتہ اس کی زیادہ تر صارفین خواتین ہیں۔

قابل ذکر ہے کہ ٹک ٹاک کے یہ اعداد و شمار امریکہ میں بہت متاثر کن ہیں ،اس پرگرام کے امریکی صارفین میں 61 فیصد خواتین ہیں، امریکہ 131 ملین صارفین کے ساتھ اس پروگرام کے صارفین کی فہرست میں سب سے اوپر ہے، اس کے بعد انڈونیشیا 92 ملین کے ساتھ، برازیل 74 ملین، روس 55 ملین کے ساتھ۔ اور میکسیکو 46 ملین کے ساتھ اس کے بعد ہیں۔
TikTok کی کامیابی کی وجوہات
۔ صحیح وقت پر لانچ
۔ مختصر وقت میں، یہ صارفین کی انفرادی دلچسپیاں معلوم کرتا ہے اور جان لیتا ہے کہ آپ کیا پسند کرتے ہیں اور آپ کو مزید دکھانا ہے
۔ تفریحی اور تخلیقی
۔ تفریحی ویڈیوز بنانے میں آسانی
۔ ہمیشہ نئے رجحانات کا ہونا
۔ دوسرے پلیٹ فارمز سے مختلف ہونا
۔ کاپی رائٹ میوزک استعمال کرنے کا امکان
۔ شہرت کی صلاحیت کی فراہمی
اب امریکہ کو TikTok کے بارے میں کیا تشویش ہے؟ کیا یہ اس لیے خطرناک ہے کیونکہ یہ چینی ہے؟! یا اس لیے کہ امریکہ نے ہمیشہ چین کی طرف الزامات اور تنقید کی انگلی اٹھائی اور اس کے خلاف احتجاج کیا؟

دراندازی ، جاسوسی اور قومی سلامتی کے خلاف کارروائی!
بہت سے امریکی حکام، بشمول نمائندے، مینیجرز، ٹک ٹاک فوبیا کا شکار ہیں جسے وہ اپنے شہریوں میں بھی پھیلانا ضروری سمجھتے ہیں، امریکی کانگریس میں ریپبلکن نمائندوں میں سے ایک مائیک گالاگر کا خیال ہے کہ ٹک ٹاک بہت تباہ کن ہے ،یہ امریکی نوجوانوں کے چرس سے بھی زیادہ نشہ آور ہے!،یاد رہے کہ یہ پلیٹ فارم امریکہ کے لیے بہت سنگین مسئلہ ہے، کیوں کہ ٹک ٹاک ہالی ووڈ فلموں، یوٹیوب اور ٹوئٹر کے برابر مقبول ہے! دنیا میں ٹک ٹاک کی مقبولیت اور رفتار کے باعث 100 ملین سے زائد امریکی صارفین اسے استعمال کر رہے ہیں جس نے امریکی حکومت کو تشویش میں مبتلا کر دیا ہے کیونکہ اس مقبولیت کا مطلب یہ ہے کہ چینی حکومت کو امریکی شہریوں کے ڈیٹا کی بڑی مقدار تک رسائی حاصل ہے جو وائٹ ہاؤس کے لیے سکیورٹی خطرہ ہے۔

امریکہ اپنی قومی سلامتی کو لاحق خطرے سے خوفزدہ ہے اور اس پروگرام میں سرگرم امریکی صارفین کی تعداد سے پریشان ہے، وہ آنے والے واقعات پر اپنا ردعمل ظاہر کرنے اور اقتصادی اور تجارتی جنگ شروع کرنے کے نتیجے پر پہنچا ہے لیکن جس وجہ سے بائیڈن انتظامیہ اس معاہدے تک پہنچنے میں کامیاب نہیں ہوئی اسے امریکی ریپبلکنز کے ہاتھ میں دیکھا جانا چاہیے، جنہوں نے چین کے بارے میں بہت نرم رویہ اختیار کرنے پر حکومت کی مذمت کی ہے اور اس سیاسی میدان میں بائیڈن کے ساتھ متصادم ہیں یہاں تک کہ سینیٹر روبیو نے ایک بیان میں کہا کہ بائٹ ڈانس کے TikTok کی مکمل علیحدگی کے علاوہ کچھ بھی ہماری قومی سلامتی کے خطرے کا حل نہیں ہوگا۔

TikTok کا جواب
TikTok کبھی بھی اپنے امریکی سامعین کو کھونا نہیں چاہتا اور ByteDance نے کہا کہ اس نے چینی حکومت کو اپنے صارفین کا ڈیٹا نہیں دیا ہے، لہذا کمپنی نے ٹیکساس پروجیکٹ کا آغاز کیا، جو امریکی صارفین سے حساس ڈیٹا کو الگ کرنے کی کوشش ہے تاکہ صرف امریکہ میں ملازمین تک رسائی ہو،ٹک ٹاک مینیجر نے کہا کہ مجھے پورا یقین ہے کہ ہم ایک ایسے حل تک پہنچ جائیں گے جو قومی سلامتی کے خدشات کو معقول طور پر حل کر دے گا، اگرچہ TikTok نے امریکی ڈیٹا کو Oracle کی ملکیت والے سرور میں ذخیرہ کرنے پر رضامندی ظاہر کی ہےلیکن اب تک وہ امریکی حکام کو ان کے خدشات دور کرنے اور ان کے ساتھ کسی معاہدے پر پہنچنے میں کامیاب نہیں ہوسکا، تاہم واشنگٹن اور بیجنگ کو امید ہے کہ وہ ایک ایسے معاہدے پر پہنچ سکتے ہیں جس سے امریکی قومی سلامتی کو خطرہ نہ ہو اور TikTok بھی اپنے امریکی صارفین سے محروم نہ ہو لیکن اس میں بائیڈن حکومت کے خاتمے تک کا وقت لگ سکتا ہے اور اگر اگلی حکومت اس معاہدے کو قبول نہیں کرتی ہے تو اس سرد اور تجارتی جنگ میں کچھ اہم ہو جائے گا،ان اختلافات سے یہ نتیجہ اخذ کیا جا سکتا ہے کہ امریکہ کو معیشت، سیاست اور تجارت کے میدان میں سپر پاور نہ بننے کی فکر ہے اور چین ان تمام معاملات میں دنیا کی پہلی طاقت بننے کی جنگ میں ہے۔