کیریئر میں کبھی کوئی ایسا کام نہیں کیا، جس پر شرمندگی ہو، ماہرہ خان

?️

کراچی: (سچ خبریں) ’سپر اسٹار‘ اداکارہ ماہرہ خان کا کہنا ہے کہ انہوں نے اپنے کیریئر میں کبھی کوئی ایسا کام نہیں کیا، جس پر انہیں شرمندگی کا سامنا کرنا پڑے، انہیں اپنے کام اور اداکاری سے بہت لگاؤ ہے، وہ اپنے کام سے محظوظ ہوتی ہیں۔

ماہرہ خان نے یوٹیوبر کو دیے گئے انٹرویو میں شوبز کیریئر، سماجی مسائل، پاکستان میں خواتین کے غیر محفوظ ہونے سمیت شوبز شخصیات پر بلا وجہ کی جانے والی تنقید پر کھل کر باتیں کیں۔

اداکارہ کا کہنا تھا کہ پاکستان میں بہت ساری شوبز شخصیات سماجی مسائل پر اس لیے بھی بات نہیں کرتیں، کیوں کہ انہیں لوگوں، میڈیا اور سیاست دانوں کی بلاوجہ تنقید کا ڈر ہوتا ہے۔

ان کے مطابق شوبز شخصیات پاکستان میں سب سے آسان ہدف ہوتی ہیں، ہر کوئی ان کی رائے اور ان کی باتوں کو غلط استعمال کرکے انہیں نیچا دکھانے کی کوشش کرتا ہے اور انہیں ان کے بیانات اور رائے کی وجہ سے تنقید کا نشانہ بنایا جاتا ہے۔

ماہرہ خان کا کہنا تھا کہ وہ کسی ایک خاص فرقے پر الزام نہیں لگا رہیں، تاہم شوبز شخصیات کو ان کی رائے پر سیاست دانوں سمیت صحافی اور میڈیا بھی تنقید کا نشانہ بناتا ہے، کیوں کہ بظاہر شوبز کے لوگ تنقید کے لیے آسان ہدف ہوتے ہیں۔

ایک سوال کے جواب میں اداکارہ کا کہنا تھا کہ پاکستان میں خواتین بہت ہی غیر محفوظ ہیں اور خواتین کے غیر محفوظ ہونے کی وجہ ان کا لباس اور فیشن نہیں۔

انہوں نے اعتراف کیا کہ اس میں کوئی شک نہیں کہ وہ لاکھوں خواتین کے مقابلے زیادہ محفوظ زندگی گزار رہی ہیں لیکن مجموعی طور پر ملک میں خواتین غیر محفوظ ہیں۔

ایک اور سوال کے جواب میں ماہرہ خان نے کہا کہ لوگوں کو یہ سوچنا چاہئیے کہ وہ اداکارہ، والدہ، بہن اور بیٹی کے علاوہ ایک وجود بھی ہیں اور وہ تمام چیزوں سے پہلے ایک انفرادی انسان ہیں، ان کی اپنی اہمیت اور حیثیت ہے۔

انہوں نے شکوہ کیا کہ عام طور پر معروف شخصیات اور خصوصی طور پر شوبز سے وابستہ افراد کو ایک ہی نظر یعنی عوامی شخصیت کے طور پر دیکھا جاتا ہے لیکن ایسا نہیں ہونا چاہئیے۔

شوبز کیریئر پر بات کرتے ہوئے ماہرہ خان نے بتایا کہ انہیں اپنے تمام کرداروں اور پورے کام سے محبت ہے، وہ اپنے کام کو بہت پسند کرتی ہیں، انہیں فخر ہے کہ انہوں نے جو بھی کام کیا، اچھا کیا۔

ماہرہ خان کا کہنا تھا کہ انہوں نے شوبز کیریئر میں کوئی ایسا کام نہیں کیا، جس پر انہیں شرمندگی ہو، انہیں اپنے تمام کام سے محبت ہے، انہیں شوبز میں کام کرنے کے دوران بہت سارے تخلیقی صلاحیتوں کے مالک افراد سے ملنے اور ان کے ساتھ کام کرنے کا موقع ملا، جسے وہ غنیمت سمجھتی ہیں۔

مشہور خبریں۔

صہیونی امریکی منصوبے کا مقابلہ کرنے کے لیے تیار ہیں: لبنانی مزاحمتی تحریک کا اعلان

?️ 24 اکتوبر 2021سچ خبریں:لبنانی حزب اللہ ایگزیکٹو کونسل کے سربراہ نے خطے میں صہیونی

فارم 47 سے اقتدار میں آنے والوں سے بات چیت کسی صورت نہیں ہوگی. تحریک انصاف

?️ 2 جون 2024اسلام آباد: (سچ خبریں) پاکستان تحریک انصاف نے وزیر پیٹرولیم مصدق ملک اور

رفح پر حملہ اسرائیل کی سلامتی کو خطرے میں ڈال رہا ہے: بلنکن

?️ 23 مارچ 2024سچ خبریں:امریکی وزیر خارجہ نے کہا کہ رفح میں بڑے پیمانے پر

افغانستان میں امن برقرار کرنے کے لیئے پاک-افغان علماء کا مکہ میں اہم اجلاس

?️ 11 جون 2021مکہ مکرمہ (سچ خبریں) افغانستان میں امن برقرار کرنے کے حوالے سے

یوکرین کو ٹینکوں کی فراہمی سے تنازع حل نہیں ہوگا:ترک صدر

?️ 3 فروری 2023سچ خبریں:ترکی کے صدر نے یوکرین میں ٹینک بھیجنے کے مغرب کے

اس عظیم مینڈیٹ کا احترام ہونا چاہیئے اور اسے کھل کر تسلیم کرنا چاہیئے، صدر مملکت

?️ 11 فروری 2024اسلام آباد: (سچ خبریں)  صدر مملکت ڈاکٹر عارف علوی نے کہا ہے

یمنی مسلح افواج کا المخا میں شدید میزائل اور ڈرون حملوں کے حوالے سے بیان

?️ 9 اگست 2026سچ خبریں:یمنی مسلح افواج نے المخا میں سعودی دشمن کے فوجی مراکز،

فواد چوہدری نے پنجاب کے کسانوں کو مبارک باد دی

?️ 12 مئی 2021اسلام آباد (سچ خبریں) وفاقی وزیر اطلاعات و نشریات فواد چوہدری نے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے