?️
کراچی: (سچ خبریں) معروف فیشن ڈیزائنر ماریہ بی نے کہا ہے کہ ماڈلنگ بہت مشکل فیلڈ ہے، اس لیے ہر لڑکی کو ماڈلنگ میں آنا بھی نہیں چاہئیے۔
ماریہ بی حال ہی میں حافظ احمد کے پوڈکاسٹ میں شریک ہوئیں، جہاں انہوں نے فیشن اور ماڈلنگ انڈسٹری سمیت دوسرے معاملات پر کھل کر گفتگو کی۔
پوڈکاسٹ کے دوران جب ان سے ماڈلز کی کمائی اور فیس سے متعلق سوال کیا گیا تو فیشن ڈیزائنر نے دعویٰ کیا کہ ملکی ماڈلز کے برعکس غیر ملکی ماڈلز سستی پڑتی ہیں۔
ان کا کہنا تھا کہ عالمی سطح پر ماڈلز زیادہ ہیں، اس لیے وہاں مقابلہ بھی زیادہ ہوتا ہے لیکن پاکستان میں ماڈلز کم ہیں تو اس لیے یہاں مقابلہ نہیں ہوتا، جس وجہ سے ملکی ماڈلز مہنگی پڑتی ہیں۔
فیشن ڈیزائنر کے مطابق ماڈلز کو گھنٹوں اور یومیہ کے حساب سمیت فی جوڑا تشہیر کے پیسے دیے جاتے ہیں۔
انہوں نے کہا کہ انہیں درست طریقے سے علم نہیں کہ غیر ملکی ماڈلز کو کتنا معاوضہ فراہم کیا جاتا ہے، کیوں کہ ان کے اس طرح کے معاملات پبلک ریلیشنز (پی آر) کے لوگ دیکھتے ہیں۔
ماریہ بی کے مطابق غیر ملکی ماڈلز کو یومیہ کم سے کم 500 امریکی ڈالرز مل جاتے ہیں جب کہ پاکستانی ماڈلز اس سے زیادہ مہنگی پڑتی ہیں۔
انہوں نے اسی معاملے پر مزید بات کرتے ہوئے کہا کہ ماڈلنگ بہت مشکل فیلڈ ہے، پاکستان میں اس فیلڈ میں لوگ کم ہیں۔
ساتھ ہی انہوں نے کہا کہ پاکستان میں ہر لڑکی کو ماڈلنگ میں آنا بھی نہیں چاہئیے۔
انہوں نے وضاحت کی کہ ماڈلنگ انڈسٹری کے فوٹوگرافرز کے ساتھ جن ماڈل لڑکیوں کی سیٹنگ ہوتی ہے یا وہ ان کے ساتھ کام کرنے میں کوئی پریشانی محسوس نہیں کرتیں تو ٹھیک ہے، ورنہ بہت ساری ماڈلز فوٹوگرافرز کے رویوں سے نالاں رہتی ہیں۔
ماریہ بی کا کہنا تھا کہ پاکستان میں لڑکیوں کے ساتھ ساتھ مرد ماڈلز کے لیے بھی ماڈلنگ مشکل فیلڈ ہے جب کہ ملک میں والدین ہر لڑکی کو اس فیلڈ میں جانے کی اجازت بھی نہیں دیتے۔
انہوں نے یہ انکشاف بھی کیا کہ ماڈلنگ کی فیلڈ میں مرد اور خواتین ماڈلز کے ساتھ عجیب عجیب چیزیں بھی ہوتی ہیں، تاہم انہوں نے اس متعلق مزید وضاحت نہیں کی۔


مشہور خبریں۔
آئی ایم ایف کو پاکستان کے دوست ممالک سے مزید ضمانتیں درکار
?️ 16 اپریل 2023اسلام آباد: (سچ خبریں) آئی ایم ایف نے پاکستان کے لیے سعودی
اپریل
جنگ بندی ایران نے نہیں بلکہ امریکہ نے توڑی: امریکی صحافی
?️ 13 جولائی 2026سچ خبریں:امریکی صحافی رک سانچز نے ایران اور امریکہ کے درمیان دوبارہ
جولائی
بیت المقدس میں موجود مقدس مقامات کی سرپرستی کا معاملہ، اردن نے اہم بیان جاری کردیا
?️ 14 مارچ 2021اردن (سچ خبریں) بیت المقدس میں موجود مقدس مقامات کی سرپرستی کے
مارچ
زیلنسکی سبز وردی پہن کر کس کے ساز پر رقص کرتا ہے؟
?️ 21 اگست 2025سچ خبریں: روس کی سیکورٹی کونسل کے ڈپٹی چیئرمین دمیتری میدویدیف نے
اگست
اکستان کے مسائل عارضی ہیں اور انہیں زبردستی حل کیا جارہا ہے:اسٹیٹ بینک آف پاکستان
?️ 1 اگست 2022اسلام آباد: (سچ خبریں)اسٹیٹ بینک آف پاکستان اور وزارت خزانہ نے کہا
اگست
بانی پی ٹی آئی اقتدار کیلئے ملک دشمنوں کے ایجنڈے پر عمل پیرا ہیں۔ حنیف عباسی
?️ 16 ستمبر 2025اسلام آباد (سچ خبریں) وفاقی وزیر ریلوے حنیف عباسی نے کہا ہے
ستمبر
جو بائیڈن کے ڈاکٹرنے کہا کہ وہ صحیح ہے
?️ 23 جولائی 2024سچ خبریں: جو بائیڈن کی کووِڈ 19 سے موت کے بارے میں سوشل
جولائی
اسلام آباد ایئرپورٹ 12 اگست تک آؤٹ سورس کردیے جانے کا امکان
?️ 16 جولائی 2023اسلام آباد:(سچ خبریں) وزیر خزانہ اسحٰق ڈار نے اسٹیک ہولڈرز سے کہا
جولائی