?️
کراچی: (سچ خبریں) اداکارہ علیزے شاہ نے انکشاف کیا ہے کہ شوبز انڈسٹری کے تلخ تجربات نے انہیں ذہنی طور پر اس حد تک متاثر کیا کہ وہ پی ٹی ایس ڈی میں مبتلا ہوگئیں۔
علیزے شاہ نے حال ہی میں انسٹاگرام پر ایک پوسٹ شیئر کی، جس میں انہوں نے لکھا کہ وہ پی ٹی ایس ڈی (پوسٹ ٹرامیٹک اسٹریس ڈس آرڈر) کا شکار ہیں۔
ان کا کہنا تھا کہ 12 گھنٹے کی شفٹ اور کام کے دوران ان کے ساتھ روا رکھا جانے والا رویہ انہیں اندر سے توڑ گیا۔
علیزے شاہ کے مطابق لوگ یہ سمجھتے ہیں کہ انہوں نے انڈسٹری کے افراد کو اس لیے بے نقاب کیا کیونکہ انہیں کام چاہیے تھا، لیکن شاید انہیں اندازہ نہیں کہ یہ سوچ انہیں کس قدر تکلیف پہنچاتی ہے۔
انہوں نے کہا کہ وہ پی ٹی ایس ڈی کے ساتھ زندہ ہیں، اس انڈسٹری میں جو کچھ ان کے ساتھ ہوا اس کے باعث وہ اس حد تک ٹوٹ گئیں کہ خود سے نفرت کرنے لگیں اور یہ سوچنے پر مجبور ہوئیں کہ وہ اس کا حصہ ہی کیوں بنیں۔
اداکارہ کے مطابق وہ کسی کے جھوٹی ہمدردی میں دیے گئے پروجیکٹس اور پیشکشوں کی خواہش مند نہیں ہیں۔ وہ ہر دن یہی سوچتی ہیں کہ کاش وہ اس ذلت آمیز دنیا کا حصہ نہ بنتیں، جہاں لوگوں نے ہر ہفتے 12 گھنٹے تک ان کے ساتھ ایسا سلوک کیا جیسے وہ کچھ بھی نہ ہوں۔
ان کا کہنا تھا کہ یہ صدمہ آج بھی موجود ہے اور انہوں نے لوگوں کو اس لیے بے نقاب نہیں کیا کہ انہیں مزید پروجیکٹس ملیں، بلکہ وہ چاہتی ہیں کہ انہیں اکیلا چھوڑ دیا جائے کیونکہ اس انڈسٹری کی تلخ یادیں انہیں بیمار کر دیتی ہیں اور اس کے زخم آج بھی ان کے دل پر نقش ہیں۔
قبل ازیں علیزے شاہ نے دعویٰ کیا تھا کہ ڈرامے کی شوٹنگ کے دوران ساتھی اداکارہ منسا ملک نے انہیں تھپڑ مارا تھا جس کے جواب میں انہوں نے چپل دے ماری تھی۔
ان کے مطابق اس واقعے کے بعد منسا ملک نے ان کی ساکھ کو نقصان پہنچانے کی کوشش کی اور انہیں قتل کی دھمکیاں بھی دیں، جس کے بعد انہوں نے اداکارہ کے خلاف ہتک عزت کا مقدمہ دائر کر دیا تھا۔
معلوم رہے کہ پی ٹی ایس ڈی ایک ذہنی عارضہ ہے، جو کسی خوفناک یا صدمہ خیز واقعے کے بعد لاحق ہو سکتا ہے۔


مشہور خبریں۔
تاریخ نیتن یاہو کو مجرم قرار دے گی
?️ 28 دسمبر 2023سچ خبریں:ترک صدارتی شعبہ ابلاغیات کے سربراہ فخرالدین آلٹن نے مقبوضہ بیت
دسمبر
یمن جنگ بندی میں توسیع کے لیے انصاراللہ کی شرطیں
?️ 11 ستمبر 2022سچ خبریں:یمن کی انصاراللہ تحریک کی مذاکراتی ٹیم کے سربراہ نے اعلان
ستمبر
مغربی ممالک کی ایران کے خلاف مزید پابندیوں کے اغراض و مقاصد
?️ 14 ستمبر 2024سچ خبریں: حالیہ دنوں میں یورپی تروئیکا اور امریکہ نے ایران کے
ستمبر
بھارتی فلم ساز کی دیوالی اور غزہ سے متعلق متنازع پوسٹ، سوشل میڈیا صارفین سخت برہم
?️ 21 اکتوبر 2025 سچ خبریں: بھارتی فلم ساز رام گوپال ورما نے دیوالی کے
اکتوبر
امریکا افغانستان میں برے طریقے سے پھنس چکا ہے: وزیر اعظم
?️ 28 جولائی 2021اسلام آباد (سچ خبریں) وزیراعظم عمران خان نے کہا کہ افغان مسئلے
جولائی
آج ہمیں وطن عزیز کو عظیم سے عظیم تر بنانے کا عہد کرنا ہوگا۔ مریم نواز
?️ 14 اگست 2025لاہور (سچ خبریں) وزیراعلی پنجاب مریم نواز شریف نے کہا کہ پاکستان
اگست
روس یوکرین جنگ میں مصر کو 7 ارب ڈالر کا نقصان
?️ 16 مئی 2022سچ خبریں: مصری وزیراعظم نے اعتراف کیا کہ روس کی یوکرین کے
مئی
امریکہ یوکرین کے فوجی حل پر اصرار کرنا بند کرے: چین
?️ 21 اپریل 2023سچ خبریں:چینی وزارت خارجہ کے ترجمان وانگ وین بن نے کہا کہ
اپریل