سخت گرمی میں عوام کی خدمت کرنیوالوں کی مشکورہوں: ماورہ حسین

?️ 12 جون 2021

کراچی (سچ خبریں)پاکستان شوبز انڈسٹری کی معروف اداکارہ ماورہ حسین نے سخت اور شدید گرمی میں عوام کی خدمت کرنے والوں کا شکریہ ادا کیا ہے۔ان کا کہنا ہے کہ محنت و مشقت کر کے اپنے گھر والوں کے لئے روزی کمانے  اور عوامی کی خدمت کرنے والوں کا بہت شکریہ۔

تفصیلات کے مطابق ماورہ حسین نے شدید گرمی میں محنت و مشقت کرکے اپنے گھر والوں کے لیے روزی کمانے اور عوام کی خدمت کرنے والوں کے لیے خصوصی انسٹا اسٹوری شیئر کی ہے۔جس میں انہوں نے تمام خدمت کاروں کا شکریہ ادا کیا ہے۔

اداکارہ نے اپنی انسٹا اسٹوری میں لکھا کہ ’ٹریفک پولیس، بینکوں کے باہر کھڑے سیکیورٹی گارڈز، روڈ رائیڈرز اور جتنے بھی لوگ اس شدید گرمی میں کام کررہے ہیں اور ہماری مدد کررہے ہیں،  ان سب کا بہت شکریہ۔

واضح رہے کے ملک میں گرمی کی شدید لہر سے لوگ بے حال ہوگئے، کئی شہروں میں پارا 40 ڈگری سے اوپر ریکارڈ کیا جارہا ہے، البتہ گزشتہ روز ملک کے مختلف علاقوں میں تیز ہواؤں کے ساتھ بارش کے بعد موسم خوشگوار ہوگیا اور گرمی کی شدت میں کمی ہوئی ہے۔ اور ساتھ ہی لوگوں نے بھی چین کی سانس لیتے ہوئے  خوشی کا اظہار کیا ہے