امریکی نامہ نگار ایسا کیا پوچھا کہ مودی سکتہ میں آگئے

?️ 29 جون 2023

سچ خبریں: امریکن ایسوسی ایشن آف جرنلسٹس نے وال اسٹریٹ جرنل کی رپورٹر کی حمایت کی جس نے حال ہی میں ہندوستان میں مسلمانوں کے حقوق کے بارے میں سوال پوچھ کر ہندوستان کے وزیر اعظم کو چیلنج کیا تھا۔

Frankfurter Allgemeine Zeitungاخبار کی رپورٹ کے مطابق، صحافیوں کی امریکن ایسوسی ایشن نے صحافی سبرینا صدیقی کی حمایت کا اعلان کیا، جس نے ہندوستان میں مسلمانوں کے حقوق کے بارے میں سوال پوچھ کر وزیر اعظم نریندر مودی کو چونکا دیا۔

یاد رہے کہ صدیقی نے امریکی صدر جو بائیڈن کی موجودگی میں وائٹ ہاؤس میں منعقد ہونے والی پریس کانفرنس کے دوران مودی سے مسلمانوں اور دیگر اقلیتوں کے حقوق کے تحفظ اور اظہار رائے کی آزادی کی حمایت کے لیے بھارتی حکومت کے اقدامات کے بارے میں پوچھا تو اس سوال پر بھارتی وزیر اعظم چونک گئے اور کہا کہ میں آپ کی باتوں سے حیران ہوں کیونکہ آپ یہ بہانہ بنا کر کہ ہم اپنا فرض ادا کر رہے ہیں اس طرح کے سوال اٹھائیں گے۔

یہ بھی:ہندوستان کے25 کروڑ مسلمان مظلوم اقلیت میں تبدیل ہو کر رہ گئے ہیں:امریکی دانشور

مودی نے کہا کہ ہمارا ملک جمہوری ہے اور جمہوریت ہماری روح اور خون کا حصہ ہے، ہم جمہوریت میں رہتے ہیں اور سانس لیتے ہیں اور ہمارے ملک میں فرقے، مسلک اور مذہب کی بنیاد پر کوئی امتیاز نہیں ہے۔

اس کاروائی کے بعد وال اسٹریٹ جرنل کی رپورٹر پر سوشل میڈیا میں مودی کے حامیوں نے حملہ کیا اور انہیں ہراساں کیا۔

Frankfurter Allgemeine Zeitung کے مطابق مودی 2014 سے ہندوستان کے وزیر اعظم ہیں اور ان کے دور میں اس ملک میں جمہوریت اور آزادی صحافت کی درجہ بندی میں کئی قدم گرا ہے۔

مزید:ہندوستان کی ریاست کرناٹک میں با حجاب طالبات کے ساتھ امتیازی سلوک

ناقدین کا کہنا ہے کہ ہندوستان میں اقلیتوں کے ساتھ امتیازی سلوک کیا جاتا ہے اور ان کے حقوق کو نظر انداز کیا جاتا ہے نیز اس ملک کے موجودہ وزیر اعظم نے ملک میں جمہوریت کو کمزور کیا ہے۔