دہشت گردوں کی ہلاکتیں 67 تک پہنچ گئیں:پاکستانی سیکورٹی حکام 

 دہشت گردوں کی ہلاکتیں 67 تک پہنچ گئیں:پاکستانی سیکورٹی حکام

 پاکستانی سکیورٹی حکام نے اعلان کیا ہے کہ بلوچستان میں آج (ہفتہ) سکیورٹی فورسز کے ساتھ ہونے والی جھڑپوں میں ہلاک ہونے والے دہشت گردوں کی تعداد بڑھ کر 67 ہو گئی ہے۔

پاکستانی میڈیا کے مطابق، بلوچ علیحدگی پسند عناصر نے بلوچستان کے مختلف علاقوں میں ایک ساتھ منظم حملے کیے، جن میں کوئٹہ، نوشکی، دالبندین، پسنی اور گوادر بندرگاہ سمیت 12 مقامات شامل ہیں۔

سکیورٹی ذرائع کا کہنا ہے کہ ان علاقوں میں فوج کے ساتھ شدید جھڑپوں کے دوران 67 دہشت گرد مارے گئے۔ تاہم ان واقعات میں 10 سکیورٹی اہلکار بھی جان کی بازی ہار گئے۔

ذرائع نے مزید بتایا کہ دہشت گرد حملوں کے نتیجے میں 11 شہری بھی جاں بحق ہوئے، جن میں خواتین اور بچے شامل ہیں۔

بلوچستان حکومت کے ترجمان کے مطابق، گزشتہ 48 گھنٹوں کے دوران سکیورٹی فورسز کی کارروائیوں میں مجموعی طور پر 108 دہشت گرد ہلاک کیے جا چکے ہیں، جس کے ردِعمل میں دہشت گرد گروہوں نے آج صوبے میں سلسلہ وار حملے کیے۔

واضح رہے کہ ماضی میں بلوچستان میں سرگرم علیحدگی پسند دہشت گرد گروہ غیر مقامی مزدوروں، عوامی ٹرانسپورٹ اور سکیورٹی فورسز کو نشانہ بنانے کی متعدد کارروائیوں کی ذمہ داری قبول کر چکے ہیں۔