بھارتی اداکارنے اپنے مداح کی پریشانی دور کردی

23 فروری 2022

ممبئی (سچ خبریں)بالی ووڈ کے سینئر اداکار امیتابھ بچن نے سوشل میڈیا پر اداکار کی ایک تصویر پر تشویش کا اظہار کرنے والے ایک مداح کی پریشانی دور کردی۔مداح نے ئیکرو بلاگنگ ویب سائٹ ٹوئٹر پر امیتابھ بچن کو ٹیگ کرکے شیئر کرتے ہوئے لکھا کہ’ سر، آپ اس تصویر میں بہت تھکے ہوئے نظر آرہے ہیں۔

تفصیلات کے مطابق امیتابھ بچن نے حال ہی میں اپنے بلاگ پر اپنی ایک تصویر شیئر کی ہے، جس میں وہ کافی تھکے ہوئے نظر آرہے ہیں۔اُن کی اس تصویر کو ایک مداح نے مائیکرو بلاگنگ ویب سائٹ ٹوئٹر پر امیتابھ بچن کو ٹیگ کرکے شیئر کرتے ہوئے لکھا کہ’ سر، آپ اس تصویر میں بہت تھکے ہوئے نظر آرہے ہیں‘۔

یہاں دلچسپ بات یہ ہے کہ اس تصویر میں امیتابھ بچن جو جیکٹ پہنے نظر آرہے ہیں اس کے اوپر لگے ایک بیج (badge) پر لکھا ہے’نو سلیپ کلب‘۔ تو اداکار نے مداح کے ٹوئٹ کا اپنی جیکٹ پر لگے اس پیج کا حوالہ دیتے ہوئے جواب دیا کہ ’وہ رات بھر سو نہیں سکے، آپ نے جیکٹ کے اوپر لگا ہوا بیج  نہیں پڑھا‘۔

خیال رہے کہ اداکار امیتابھ بچن آج کل اپنی آنے والی فلم ’پروجیکٹ کے‘ کی شوٹنگ کر رہے ہیں۔فلم ’پروجیکٹ کے‘ میں اداکار امیتابھ بچن اور پربھاس کے ساتھ اداکارہ دیپیکا پڈوکون بھی جلوہ گر ہوں گی۔ یہ فلم رواں سال11 مارچ 2022 کو سینما گھروں کی زینت بنے گی۔