20 سال بعد ’میں ہوں نا‘ کا سیکوئل بنائے جانے کا امکان

🗓️

سچ خبریں: بولی وڈ بادشاہ ’شاہ رخ خان‘ کی 2004 کی بلاک بسٹر فلم ’میں ہوں نا‘ کا 20 سال بعد سیکوئل بنائے جانے کا امکان ہے۔

عام طور پر شاہ رخ خان اپنی فلموں کے سیکوئل بنانے کے خلاف ہوتے ہیں، تاہم اب انہوں نے اپنی مقبول ترین فلم کا سیکوئل بنانے پر رضامندی ظاہر کردی۔

شوبز ویب سائٹ ’پنک ولا‘ نے متعدد بھارتی نشریاتی اداروں اور ویب سائٹس کی خبروں کا حوالہ دیتے ہوئے بتایا کہ 2004 کی پاک-بھارت دوستی پر بنی فلم ’میں ہوں نا‘ کا سیکوئل بنانے پر غور کیا جا رہا ہے۔

رپورٹ میں بتایا گیا کہ سیکوئل فلم کو بھی فرح خان اور شاہ رخ خان مشترکہ طور پر بنائیں گے اور سیکوئل کو بھی شاہ رخ خان کی پروڈکشن کمپنی کے تحت ریلیز کیا جائے گا۔

رپورٹ کے مطابق شاہ رخ خان نے فلم کے سیکوئل پر رضامندی ظاہر کرتے ہوئے اس پر مزید فیصلہ فلم کا پہلا اسکرپٹ دیکھنے کے بعد کرنے کا کہا۔

رپورٹ میں بتایا گیا کہ شاہ رخ خان کی خواہش ہے کہ سیکوئل فلم اس وقت ہی بنائی جائے جب کہ سیکوئل کا اسکرپٹ پہلی فلم سے زیادہ طاقتور ہونا چاہیے۔

شاہ رخ خان کی جانب سے رضامندی ظاہر کیے جانے کے بعد سیکوئل فلم کی کہانی لکھنے کا کام تیز کردیا گیا اور ممکنہ طور پر 2025 کے وسط تک سیکوئل بنائے جانے کے حوالے سے حتمی فیصلہ سامنے آ سکے گا۔

ابھی یہ کہنا قبل از وقت ہے کہ فلم کے سیکوئل پر کب تک کام شروع کیا جائے گا اور اس کی کاسٹ میں کون کون شامل ہوگا، تاہم امکان ہے کہ رواں برس کے اختتام تک اس حوالے سے مزید تفصیلات سامنے آ جائیں گی۔

اگر ’میں ہوں نا‘ کے سیکوئل پر کام شروع کیا گیا اور اسے بنانے کا اعلان بھی کیا گیا تو بھی فلم 2027 سے قبل ریلیز نہیں ہو سکے گی، کیوں کہ شاہ رخ خان 2026 کی فلم کی شوٹنگ میں پہلے ہی مصروف ہیں۔

’میں ہوں نا‘ کی پہلی فلم کو 2004 میں ریلیز کیا گیا تھا، جس میں شاہ رخ خان کے ساتھ سشمیتا سین، امریتا راؤ اور زید خان جیسے اداکار بھی دکھائی دیے تھے۔

مذکورہ فلم میں پاکستان اور بھارت کی افواج کے درمیان اچھے تعلقات دکھائے گئے اور دوستی کے تحت قیدیوں کا تبادلہ بھی دکھایا گیا تھا۔

فلم کو اپنی مثبت کہانی کی وجہ سے نہ صرف بھارت بلکہ پاکستان میں بھی سراہا گیا تھا اور اب شاہ رخ خان چاہتے ہیں کہ سیکوئل فلم کی کہانی پہلی فلم سے بھی زیادہ مثبت اور طاقتور ہونی چاہیے۔

مشہور خبریں۔

کوئٹہ: قبضہ مافیا کے خلاف آپریشن میں پولیس اورمسلح افراد میں تصادم

🗓️ 6 اکتوبر 2024کوئٹہ: (سچ خبریں) صوبہ بلوچستان کے دارالحکومت کوئٹہ میں غیرقانونی طور پر

امریکہ کی سب غلط فہمیاں دور کردیں گے: حزب اللہ

🗓️ 15 مارچ 2022سچ خبریں:لبنان کی حزب اللہ تحریک کی انتظامی کونسل کے سربراہ نے

زیلنسکی کو عدالت کے چکر لگانا ہوں گے:روس

🗓️ 13 اگست 2022سچ خبریں:روسی سلامتی کونسل کے نائب سربراہ دمتری میدویدیف نے کہا کہ

ملک بھر میں انٹرنیٹ کی رفتار بڑھانے کیلئے اہم پیش رفت

🗓️ 24 دسمبر 2024اسلام آباد: (سچ خبریں) پاکستان ٹیلی کمیونیکیشن اتھارٹی (پی ٹی اے) نے

اسرائیلی فوجی خون میں لت پت

🗓️ 29 اگست 2024سچ خبریں: صیہونی حکومت کے ذرائع ابلاغ نے مقبوضہ فلسطین کے شمال میں

بائیڈن اور ہیرس میرے قتل کے ذمہ دار ہیں: ٹرمپ

🗓️ 30 اگست 2024سچ خبریں: سابق امریکی صدر ڈونلڈ ٹرمپ نے وائٹ ہاؤس میں اپنے جانشین

حکومت پہر ہر طرف سے وار کریں: آصف زرداری

🗓️ 24 جنوری 2021حکومت پہر ہر طرف سے وار کریں: آصف زرداری اسلام آباد(سچ خبریں)

گوادر میں مزدوروں کے قتل میں ملوث دو ملزمان گرفتار

🗓️ 31 مئی 2024کوئٹہ: (سچ خبریں) وزیر داخلہ بلوچستان ضیا لانگو نے کہا ہے کہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے