پوسٹروں میں کشمیریوں سے 27اکتوبر کو یوم سیاہ کے طور پر منانے کی اپیل

?️

سرینگر: (سچ خبریں) غیر قانونی طور پر بھارت کے زیر قبضہ جموں و کشمیر کے مختلف علاقوں میں پوسٹرچسپاں کئے گئے ہیں جن میں لوگوں سے اپیل کی گئی ہے کہ وہ بھارت کے غیر قانونی قبضے کے خلاف احتجاج کے لئے 27اکتوبر کو یوم سیاہ منائیں۔

کشمیر میڈیا سروس کے مطابق بھارت نے 1947میں اسی دن کشمیری عوام کی مرضی کے بر خلاف جموں وکشمیرمیں اپنی فوجیں اتاریں اور علاقے پر جابرانہ قبضہ کیاتھا۔سرینگر اور دیگر علاقوں میں دیواروں، عمارتوں اور بجلی کے کھمبوں پر چسپاں کیے گئے پوسٹروں میں کہاگیا ہے کہ کشمیری اس وقت تک اپنی جدوجہد جاری رکھیں گے جب تک وہ اقوام متحدہ کی طرف سے تسلیم شدہ حق خود ارادیت حاصل نہیں کر لیتے۔

پوسٹروں میں 27اکتوبر 1947کو جموں و کشمیر کی تاریخ کا سیاہ ترین دن قرار دیا گیا ہے۔پوسٹروںمیں کہا گیا کہ بھارت کشمیری قیادت کو جدوجہد آزادی سے دستبردار کرانے کے لیے جابرانہ ہتھکنڈے استعمال کر رہا ہے لیکن وہ اپنے مذموم عزائم میں کبھی کامیاب نہیں ہو گا۔ پوسٹروں میں کنٹرول لائن کے دونوں اطراف اوردنیا بھر میں مقیم کشمیریوں سے اپیل کی گئی ہے کہ وہ 27اکتوبر کو یوم سیاہ منا کر بی جے پی-آر ایس ایس حکومت کے ہندوتوا ایجنڈے کے خلاف متحد ہو جائیں۔

پوسٹروں میں غیر کشمیریوں کو ڈومیسائل سرٹیفکیٹ جاری کرنے، سرکاری عہدوں سے مسلمان ملازمین کو برطرف کرنے اور خطے کی اسلامی ثقافت کو مٹانے اور ہندوتوا نظریے کو فروغ دینے کے لیے تعلیمی نصاب میں تبدیلیوں کی شدید مذمت کی گئی جن کا مقصدخطے میں آبادی کا تناسب تبدیل کرنا ہے۔پوسٹروں میں خبردارکیاگیا ہے کہ مقبوضہ جموں و کشمیر کی مسلم شناخت کو تبدیل کرنے کے لیے ایک وسیع ثقافتی یلغار اور سیاسی حکمت عملی کے تحت مختلف مقامات پر ہندو مذہبی نشانات اور مجسمے نصب کیے جا رہے ہیں۔پوسٹروں کو ٹویٹر، فیس بک اور واٹس ایپ جیسے سوشل میڈیا پلیٹ فارمز پر بھی شیئر کیا جارہاہے۔

مشہور خبریں۔

مصر میں دو ٹرینوں کے درمیان تصادم، درجنوں افراد ہلاک اور زخمی ہوگئے

?️ 26 مارچ 2021قاہرہ (سچ خبریں) مصر میں اس وقت دردناک حادثہ پیش آگیا جب

معاشی اصلاحات سے ملک میں اقتصادی ترقی ہوئی ہے

?️ 1 نومبر 2021اسلام آباد (سچ خبریں) وزیراعظم عمران خان نے کہا ہے کہ معاشی

وزیر اعظم کا اہم بیان، داسو ڈیم سے ملک کو سستی بجلی ملے گی

?️ 18 جون 2021پشاور(سچ خبریں)وزیر اعظم عمران خان کا کہنا ہے کہ داسو ڈیم سے

بین الاقوامی فوجداری عدالت مغرب کا آلہ کار 

?️ 2 اپریل 2025سچ خبریں: نومبر 2024 میں، بین الاقوامی فوجداری عدالت نے غزہ میں جنگی

سعودی عرب میں ہالووین منائے جانے پر سعودی صارفین میں غصے کی لہر جاری

?️ 8 نومبر 2022سچ خبریں:سعودی صارفین نے ہیش ٹیگ لگا کر سعودی عرب میں ہالووین

ماریہ بی نے ’فلسطین کلیکشن‘ کیلئے ترک آرٹسٹ کا ڈیزائن چرانے پر معذرت کرلی

?️ 1 ستمبر 2024کراچی: (سچ خبریں) فیشن ڈیزائنر ماریہ بی نے حال ہی میں متعارف

سوڈان میں بغاوت کی مبہم صورتحال؛ تنازعات کا خاتمہ یا کشیدگی ؟

?️ 29 اپریل 2023سچ خبریں:اگرچہ سوڈان میں وقتی طور پر جنگ بندی ہو گئی ہے

بجلی چوری میں ملک کی بڑی بڑی کمپنیاں بھی ملوث ہیں، وزیر توانائی کا انکشاف

?️ 10 جولائی 2025اسلام آباد: (سچ خبریں) وفاقی وزیر توانائی اویس لغاری نے انکشاف کیا

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے