مقبوضہ جموں وکشمیر میں بھارتی فوجیوں کی محاصرے اورتلاشی کی کارروائیاں جاری

?️

سرینگر: (سچ خبریں) غیر قانونی طور پر بھارت کے زیر قبضہ جموں و کشمیر میں بھارتی فوجیوں نے جموں خطے کے کئی اضلاع میں بڑے پیمانے پر محاصرے اور تلاشی کی کارروائیوں کا سلسلہ جاری رکھا ہوا ہے اورمکینوں کو سخت ہراساں کیاجارہا ہے۔

کشمیر میڈیا سروس کے مطابق پونچھ، راجوری، کشتواڑ، ڈوڈہ، رام بن، جموں ،ریاسی اور کٹھوعہ اضلاع کے مختلف قصبوں اور دیہاتوں میں بھارتی فوجیوں اورپیراملٹری فورسز کے اہلکار بدنام زمانہ ملیشیا ویلج ڈیفنس گارڈز کے ارکان کے ساتھ ملکرمسلمانوں کے گھروں کی تلاشی لیتے ہیں۔ مقامی لوگوں نے صحافیوں کو بتایا کہ فورسز کے اہلکار ان کے گھروں میں گھس کر مکینوں کو مارتے پیٹتے اور گھریلو سامان کی توڑ پھوڑ کرتے ہیں۔ ان کا کہناہے کہ بھارتی فورسز نے ان کی زندگی جہنم بنا دی ہے۔

فرقہ پرست بھارتی پولیس نے جموں خطے میں ضلع کشتواڑ کے علاقے چھاترو میں چھاپہ مار کر دو مسلمان مویشی تاجروں اشتیاق احمد اور عطا محمد کو گرفتار کر لیا۔ بعد میں ضلع مجسٹریٹ کشتواڑنے ان کے خلاف کالے قانون پبلک سیفٹی ایکٹ کے تحت مقدمہ درج کرنے کا حکم جاری کیا۔ یہ بات قابل ذکر ہے کہ مقبوضہ جموں وکشمیر اور بھارت میں مویشیوں کے مسلمان تاجروں کو فرقہ پرست پولیس کے ظلم وجبر اور نا نہاد گا ئورکھشکوں کے حملوں کا سامنا کرنا پڑتا ہے۔

دریں اثناء چوٹہ بازار قتل عام کے شہداء کو ان کے یوم شہادت پر خراج عقیدت پیش کرنے کے لئے سرینگرمیں پوسٹر چسپاں کئے گئے۔ بھارتی پیرا ملٹری سینٹرل ریزرو پولیس فورس کے اہلکاروں نے 11جون 1991کو سرینگر کے علاقے چوٹہ بازار میں اندھا دھند فائرنگ کر کے خواتین اور بچوں سمیت 30سے زائد نہتے شہریوں کو شہید کر دیا تھا۔
پیپلز ڈیموکریٹک پارٹی کی صدر محبوبہ مفتی نے سرینگر میں صحافیوں سے گفتگو کرتے ہوئے مقبوضہ جموں و کشمیر کے عوام پر زور دیا کہ وہ اس بات کا ادراک کریںکہ بھارتیہ جنتا پارٹی تقسیم کو ہوا دے کر ان کا استحصال کر رہی ہے اور انہیں اپنے حقوق کے لیے متحد ہو کر لڑنا ہوگا۔

انجمن اوقاف جامع مسجد سرینگر نے ایک بیان میںتنظیم کے سربراہ میر واعظ عمر فاروق کی عیدالاضحی سے قبل رہائی کا مطالبہ کیا ہے۔ میرواعظ 05اگست 2019سے مسلسل اپنے گھر میں نظر بند ہیں۔
ادھر امریکہ میں قائم انسانی حقوق کی تنظیم”جسٹس فار آل”نے اپنی ایک رپورٹ میں ہندوتوا نظریے اور نازیوں کے درمیان موازنہ کرتے ہوئے لکھا ہے کہ بھارت میں آج جو کچھ ہو رہا ہے اس سے صاف ظاہر ہوتا ہے کہ ملک نازیوں سے متاثرہ فسطائی ہندو ریاست بننے کے خطرناک راستے پر گامزن ہے، جہاں اقلیتوں اور خاص طور پر 20کروڑ سے زائد مسلمانوں کو نسل کشی کے خطرے کا سامنا ہے۔

مشہور خبریں۔

حکومت کا ایران، افغانستان سے پیاز، ٹماٹر کی درآمد میں سہولت فراہم کرنے کا فیصلہ

?️ 30 اگست 2022اسلام آباد: (سچ خبریں)حکومت نے ملک میں طلب کو پورا کرنے، قیمتوں

قومی اسمبلی میں شور شرابے کے بعد الیکشن کمیشن کا رد عمل سامنے آگیا

?️ 20 جون 2021اسلام آباد(سچ خبریں) الیکشن کمیشن آف پاکستان (ای سی پی) نے حزب

’کنا یاری‘ فیم ایوا بی کی رکشہ سواری کی ویڈیو وائرل

?️ 19 دسمبر 2023کراچی: (سچ خبریں) ’کوک اسٹوڈیو سیززن 14‘ کے ’کنا یاری‘ سے شہرت

انسانی اسمگلنگ میں 10 گنا اضافہ؛برگزیٹ کا نتیجہ

?️ 21 اکتوبر 2021سچ خبریں:دی گارڈین نے ایک این جی او کی رپورٹ کا حوالہ

شہباز شریف جو بھی ذمہ داری دیں گے، دیانت داری سے نبھاؤں گا۔ رانا ثناءاللہ

?️ 9 ستمبر 2025لاہور (سچ خبریں) مشیر وزیراعظم رانا ثناءاللہ نے کہا کہ شہباز شریف

عمران خان، اہلیہ کی درخواست ضمانت کیس میں عدم حاضری، سپرنٹنڈنٹ جیل کو شوکاز نوٹس جاری

?️ 21 مارچ 2024اسلام آباد: (سچ خبریں) اسلام آباد کی ڈسٹرکٹ اینڈ سیشنز عدالت نے

شمالی شام میں ترکی کا فوجی حملہ / اردوغان کا اس مہم جوئی کا مقصد کیا ہے؟

?️ 31 مئی 2022سچ خبریں:   ترک فوج نے چند روز قبل شمالی شام میں نام

آج ہم اپنی آئینی تاریخ کےدوراہے پر کھڑےہیں، عمران خان

?️ 4 اپریل 2023اسلام آباد:(سچ خبریں) سابق وزیراعظم اور پاکستان تحریک انصاف کے چیئرمین عمران

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے