صیہونی دفاعی میزائل ختم ہونے کے قریب:امریکی عہدیدار کا اعتراف

سچ خبریں:امریکی عہدیدار  نے اعتراف کیا ہے کہ ایران کی جانب سے داغے جانے والے میزائلوں کا مقابلہ کرنے والے صیہونی آئرن ڈوم میزائل ذخائر تیزی سے ختم ہو رہے ہیں۔

الجزیرہ اور امریکی اخبار وال اسٹریٹ جرنل کی رپورٹ کے مطابق، ایک اعلیٰ امریکی عہدیدار نے اس بات کا اعتراف کیا ہے کہ صیہونی حکومت ایران کے میزائل حملوں کے درمیان شدید دفاعی کمزوری کا شکار ہے اور اس کے دفاعی میزائل تیزی سے ختم ہو رہے ہیں۔

یہ بھی پڑھیں:ایرانی میزائل حملوں سے اسرائیل کو 550 ملین ڈالر کا نقصان

اس امریکی اہلکار نے مزید انکشاف کیا کہ امریکہ کئی ماہ سے اسرائیل کی دفاعی صلاحیتوں میں موجود کمزوریوں سے آگاہ تھا، مگر حالیہ شدید حملوں نے ان خامیوں کو نمایاں کر دیا ہے۔

برطانوی ویب سائٹ مڈل ایسٹ آئی نے بھی گزشتہ روز رپورٹ دی کہ چار روزہ جنگ کے دوران، اسرائیل کے انٹرسیپٹر (روکنے والے) میزائلوں کے ذخائر میں شدید کمی واقع ہوئی ہے،مغربی ذرائع کے مطابق، یہ میزائل تیزی سے ختم ہو رہے ہیں اور اگر حملے اسی رفتار سے جاری رہے تو اسرائیل جلد دفاعی صلاحیت سے محروم ہو جائے گا۔

مزید پڑھیں: صیہونیوں کے لیے سب سے زیادہ نقصان دہ جنگ

یہ انکشافات ایسے وقت پر سامنے آئے ہیں جب ایران نے اسرائیل کے خلاف مسلسل بیلیسٹک اور ہائپرسونک میزائلوں کے حملے تیز کر دیے ہیں، جنہیں اسرائیلی دفاعی نظام مکمل طور پر روکنے میں ناکام دکھائی دے رہا ہے۔