اسرائیل نے ایران کے سامنے ہتھیار ڈال دیے ؛نیتن یاہو کو جنگ بندی پر مجبور ہونا پڑا

سچ خبریں:صہیونی وزیراعظم نیتن یاہو نے ایرانی حملوں کے بعد بالآخر جنگ بندی تسلیم کر لی،اسرائیلی و عرب ذرائع اعتراف کر رہے ہیں کہ ایران پہلے سے زیادہ طاقتور بن کر ابھرا ہے، اور صہیونی اہداف مکمل طور پر ناکام ہو چکے ہیں۔

الجزیرہ و دیگر ذرائع ابلاغ کی رپورٹ کے مطابق، اسرائیلی وزیراعظم کے دفتر نے رسمی طور پر اعلان کیا ہے کہ تل ابیب نے ایرانی حملوں کے بعد امریکی صدر کی پیشکش پر جنگ بندی قبول کر لی ہے، سپاہ پاسداران انقلاب اسلامی کی جانب سے کیے گئے مہلک اور شدید حملوں نے صہیونی حکومت کو پسپائی پر مجبور کر دیا۔

یہ بھی پڑھیں:ایران اسرائیل جنگ کا عالمی منظرنامہ؛ چین، روس اور مغرب کا مختلف مؤقف

دفترِ وزیراعظم کی طرف سے جاری بیان میں کہا گیا کہ اسرائیل نے امریکی صدر کی جانب سے پیش کی گئی جنگ بندی کی تجویز کو قبول کر لیا ہے، تاہم نیتن یاہو نے اندرونی اسرائیلی رائے عامہ کو گمراہ کرنے کی کوشش کرتے ہوئے یہ دعویٰ کیا کہ وہ ایران کے ایٹمی و میزائلی خطرے کو ختم کرنے کے اپنے مقاصد میں کامیاب رہے ہیں۔

مبصرین اور بین الاقوامی تجزیہ کاروں کے مطابق، اسرائیل نے کئی دنوں سے جنگ بندی کے لیے کوششیں شروع کر دی تھیں، لیکن پے در پے ایرانی حملوں نے نہ صرف اس کے عسکری نظام کو چیلنج کیا بلکہ عالمی سطح پر اس کی ساکھ کو بھی شدید نقصان پہنچایا۔

ایک اسرائیلی ریزرو جنرل نے کہا کہ جنگ بندی کا وقت ایران نے طے کیا، نہ کہ ہم نے،انہوں نے مزید کہا کہ اسرائیل نے صرف چند سال کی عارضی خاموشی حاصل کی ہے، وہ بھی آئندہ نسلوں کے لیے مہنگی اور تلخ قیمت پر۔

عرب تجزیہ کار خلیل نصراللہ نے اس جنگ کو تحمیلی قرار دیتے ہوئے کہا کہ ایرانیوں نے واضح کیا کہ آخری حملہ ان کا ہوگا۔ ان کے مطابق اس جنگ کا مقصد ایران کو تسلیم پر مجبور کرنا تھا، جو مکمل طور پر ناکام ہوا۔

اسرائیل کے سابق وزیر اور اسرائیل بیتنا پارٹی کے سربراہ آویگدور لیبرمن نے کہا کہ یہ جنگ بندی درحقیقت مستقبل کی ایک اور تباہ کن جنگ کا پیش خیمہ ہے۔ ان کا کہنا تھا کہ ایران یورینیم افزودگی اور میزائل سازی سے دستبردار نہیں ہوگا۔

انہوں نے اعتراف کیا کہ ایرانی میزائل حملے، خصوصاً بئر السبع پر، اسرائیل کے لیے انتہائی تکلیف دہ اور تباہ کن ثابت ہوئے۔

عبرانی روزنامہ معاریو نے لکھا: ایران اس جنگ سے پہلے سے زیادہ طاقتور بن کر نکلا ہے۔ یہ اعتراف خود اسرائیلی میڈیا کی بے بسی کی نشانی ہے۔

اسرائیل کے چینل 12 کے مطابق، ایرانیوں نے اب تک اپنے دوربرد، بھاری اور پیچیدہ میزائل استعمال نہیں کیے ،وہ میزائل جو ایک ٹن سے زیادہ دھماکہ خیز مواد لے جا سکتے ہیں یا کروز میزائل جو انتہائی مشکل سے ٹریک ہوتے ہیں۔ ان کے مطابق، ایران ان میزائلوں کو آئندہ مرحلے کے لیے محفوظ رکھے ہوئے ہے تاکہ اسرائیل کی فضائی دفاعی نظام کو مکمل الجھایا جا سکے۔

مزید پڑھیں:ایران اسرائیل جنگ میں امریکی مداخلت عالمی جنگ کا باعث بنے گی۔ لیاقت بلوچ

اسرائیلی پارلیمنٹ کے رکن عمیت ہالیوی نے واضح الفاظ میں اعتراف کیا: اسلامی جمہوریہ ایران اب بھی اپنی جگہ مضبوطی سے قائم ہے، اس کے پاس اب بھی ہزاروں میزائل ہیں اور وہ کسی بھی وقت اسرائیل کو نشانہ بنا سکتا ہے۔