اسرائیل ایران کے ساتھ دو ہفتے سے زیادہ جنگ برداشت نہیں کر سکتا:وال اسٹریٹ جرنل 

سچ خبریں:وال اسٹریٹ جرنل کا کہنا ہے کہ ایران کے ساتھ جنگ اسرائیل پر ماہانہ کم از کم 12 ارب ڈالر کا بوجھ ڈال رہی ہے،اقتصادی ماہرین کے مطابق تل ابیب کی معیشت دو ہفتے سے زائد جنگ کی متحمل نہیں ہو سکتی۔

امریکی اخبار وال اسٹریٹ جرنل نے اپنی تازہ رپورٹ میں انکشاف کیا ہے کہ ایران کے خلاف جاری جنگ صہیونی ریاست کو ہر ماہ کم از کم 12 ارب امریکی ڈالر کے معاشی بوجھ سے دوچار کر رہی ہے، اور اسرائیلی ماہرینِ اقتصادیات نے خبردار کیا ہے کہ تل ابیب اس سے زیادہ طویل جنگ کی سکت نہیں رکھتا۔

یہ بھی پڑھیں:اسرائیل پر 6.5 ارب ڈالر کی جنگ کا بوجھ

رپورٹ کے مطابق، اسرائیلی تجزیہ کاروں نے واضح کیا ہے کہ صہیونی حکومت کی مالیاتی و اقتصادی ساختیں زیادہ سے زیادہ دو ہفتے تک اس جنگی دباؤ کو برداشت کر سکتی ہیں، اس کے بعد معاشی بحران سنگین ہو سکتا ہے۔

اخبار مزید لکھتا ہے کہ ایرانی میزائلوں کو روکنے کے لیے اسرائیلی دفاعی نظام پر اٹھنے والے اخراجات بھی ہوش رُبا ہیں:

 ہر میزائل کو روکنے کی قیمت 700000 سے 4000000 ڈالر تک ہو سکتی ہے،اسرائیلی ایف-35 جنگی طیاروں کی فی گھنٹہ پرواز کا خرچ کم از کم 10000 ڈالر ہے، جو بموں اور دیگر حملہ آور وسائل کے اخراجات کے علاوہ ہے۔

رپورٹ میں ایرانی جوابی کارروائی وعده صادق 3 کے نتائج پر بھی روشنی ڈالی گئی ہے، جس کے بعد صہیونی ریاست کو تباہ شدہ تنصیبات اور عمارتوں کی کم از کم 400 ملین ڈالر کی لاگت سے مرمت کرنا پڑ رہی ہے۔

مزید پڑھیں:ایران کے خلاف جنگ کا صیہونی حکومت کو کتنا نقصان ہوا ہے؟

یہ تمام مالیاتی نقصانات ایسے وقت میں سامنے آئے ہیں جب اسرائیل گزشتہ 20 ماہ سے غزہ، لبنان اور یمن میں جاری جنگوں کے باعث پہلے ہی شدید اقتصادی بحران سے دوچار ہے۔ موجودہ صورتحال میں صہیونی حکومت مزید مالی دباؤ کی متحمل نہیں ہو سکتی۔