ایران و اسرائیل کی جنگ اسلام اور کفر کے درمیان معرکہ ہے:مفتی لیبیا 

سچ خبریں:مفتی لیبیا شیخ صادق الغریانی نے ایران اور اسرائیل کے درمیان جنگ کو اسلام اور کفر کا ٹکراؤ قرار دیا اور مغربی ممالک پر اسرائیل کی پشت پناہی کا الزام عائد کیا۔ ان کے بیانات نے عالم اسلام میں نئی بحث چھیڑ دی ہے۔

لیبیا کے معروف مفتی اور مذہبی رہنما شیخ صادق الغریانی نے اپنے حالیہ جنجالی بیانات میں ایران اور اسرائیل کے درمیان موجودہ جنگ کو ایک شرعی اور عقیدتی جنگ قرار دیتے ہوئے کہا ہے کہ  یہ محض سیاسی یا جغرافیائی تنازع نہیں بلکہ اسلام اور کفر کے درمیان ایک فیصلہ کن معرکہ ہے۔

یہ بھی پڑھیں:اسرائیل مزید جنگ جاری رکھنے سے قاصر، امریکہ مداخلت نہیں چاہتا:اوباما کے سابق مشیر

الغریانی کے مطابق، صہیونی رژیم کو مغربی طاقتوں کی کھلی حمایت حاصل ہے، جو اسے قتل، ٹارگٹ کلنگ اور جارحانہ اقدامات کی کھلی اجازت دیتی ہے،انہوں نے اسرائیل کو  غنڈہ گردی کرنے والا ظالم ریاستی گروہ قرار دیا اور دعویٰ کیا کہ یہ تمام کارروائیاں ایران کی اسلامی شناخت کے خلاف ایک منظم سازش کا حصہ ہیں۔

شیخ الغریانی نے اپنے بیان میں مغربی ممالک کو بھی سخت تنقید کا نشانہ بنایا، اور کہا کہ جو ممالک اسرائیل کی اس جنگ میں حمایت کر رہے ہیں، وہ ایران پر ہونے والے حملوں میں برابر کے شریک ہیں۔ یہ دشمنی صرف ایران کے ساتھ نہیں، بلکہ پورے عالم اسلام کے خلاف نفرت انگیز پالیسی کا تسلسل ہے۔

ان کا کہنا تھا کہ اسرائیل کی یہ جارحیت، دینی تشخص اور اسلامی اصولوں کے خلاف ایک منظم یلغار ہے، جس کا مقصد اسلامی مزاحمت کو کچلنا ہے۔

یہ بیانات ایسے وقت پر سامنے آئے ہیں جب ایران اور اسرائیل کے درمیان شدید کشیدگی جاری ہے، اور خطے میں صورتحال دن بہ دن سنگین ہوتی جا رہی ہے۔

مزید پڑھیں: صیہونی حکومت کے سربراہ بھی سائبر حملے کا شکار

بین الاقوامی سطح پر انسانی حقوق کی تنظیموں اور بعض حکومتوں نے اس صورتحال پر تشویش کا اظہار کیا ہے اور فریقین سے مطالبہ کیا ہے کہ وہ تحمل کا مظاہرہ کریں اور تنازع کو مزید وسعت نہ دیں۔