مخصوص نشستوں پر سپریم کورٹ کا فیصلہ نہیں مانا گیا تو کیا ہوگا؟ بانی پی ٹی آئی

🗓️ 13 اگست 2024

سچ خبریں: پاکستان تحریک انصاف کے بانی نے کہا ہے کہ صورتحال سنگین ہے اور لوگ تیار ہیں، وہ جلد ہی کال دینے والے ہیں۔

انہوں نے خبردار کیا کہ اب لوگ جیل جانے اور جان دینے کو تیار ہیں۔

اڈیالہ جیل میں میڈیا سے گفتگو کرتے ہوئے پی ٹی آئی کے بانی نے کہا کہ آج تک انہوں نے پارٹی کو اسٹریٹ موومنٹ کا حکم نہیں دیا۔

یہ بھی پڑھیں: موجودہ ملکی حالات کے سبب فوج الیکشن ڈیوٹی کے لیے دستیاب نہیں

انہوں نے کہا کہ اگر مخصوص نشستوں پر سپریم کورٹ کا فیصلہ تسلیم نہیں کیا گیا تو وہ اسٹریٹ موومنٹ شروع کرنے پر مجبور ہو جائیں گے۔

انہوں نے مزید کہا کہ اگر حکومت نے چیف جسٹس کو توسیع دینے کی کوشش کی تو وہ احتجاج کریں گے، کیونکہ موجودہ حکومت دو تہائی اکثریت کے ساتھ آئین میں تبدیلی کرنے کی کوشش کر رہی ہے۔

پی ٹی آئی کے بانی نے کہا کہ ملکی حالات بنگلادیش سے بھی بدتر ہیں، اور 9 مئی کے واقعات کی ذمہ داری حکومت پر عائد ہوتی ہے۔

مزید پڑھیں: پی ٹی آئی کے ساتھ ایجنسیز کے سلوک اور ملکی حالات کے بارے میں عمر ایوب کا بیان

انہوں نے یہ بھی کہا کہ ان کا اسٹیبلشمنٹ سے کوئی رابطہ نہیں ہے، اور مخالفین کو جیسے ہی یہ گمان ہوتا ہے کہ ان کا اسٹیبلشمنٹ سے کوئی تعلق ہے، تو ان کی "کانپیں ٹانگ” جاتی ہیں۔