سچ خبریں:اسرائیلی حکومت کے سربراہ نے جمہوریہ آذربائیجان کے دارالحکومت پہنچنے پر اس ملک کو تل ابیب کا دوست ملک قرار دیتے ہوئے کہا کہ دونوں کا ایک دوسرے کے ساتھ بہت زیادہ تعاون ہے۔
اسرائیلی حکومت کے سربراہ اسحاق ہرزوگ منگل کو جمہوریہ آذربائیجان کے دارالحکومت باکو کے لیے روانہ ہوئے جہاں وہ اپنے آذربائیجانی ہم منصب سے ملاقات اور بات چیت کرنے والے ہیں۔
باکو پہنچنے پر ہرزوگ کا آذری حکام نے استقبال کیا جس کے بعد انہوں نے جمہوریہ آذربائیجان کے میڈیا کو بتایا کہ آذربائیجان ایک دوست ملک ہے جس کے ساتھ بہت سے شعبوں میں ہمارا تعاون ہے۔
واضح رہے کہ باکو روانہ ہونے کے لیے طیارے میں سوار ہونے سے پہلے اسرائیلی حکومت کے سربراہ نے کہا کہ یہ ایک اہم سرکاری دورہ ہے،انہوں نے مزید کہا کہ آذربائیجان ایک اہم ملک ہے اور مجھے یقین ہے کہ میرا دورہ تعاون کو مزید گہرا کرنے کی راہ ہموار کرے گا۔
اسرائیلی حکومت کے سربراہ نے مخلصانہ دعوت پر آذربائیجان کے صدر الہام علییف کا شکریہ ادا کیا اور کہا کہ ہمارے پاس نئے مواقع ہیں نیز ہمارے چیلنجزبھی مشترک ہیں۔