سابق گورنر سندھ کا اہم اعلان

سچ خبریں: سندھ کے سابق گورنر ڈاکٹر عشرت العباد نے جلد پاکستان واپس آنے اور نئی سیاسی جماعت بنانے کا اعلان کیا ہے۔

دبئی میں میڈیا سے بات چیت کرتے ہوئے انہوں نے کہا کہ وہ اختلافات کو پس پشت ڈال کر ایم کیو ایم پاکستان کو بھی نئی جماعت میں شامل ہونے کی دعوت دیں گے۔

یہ بھی پڑھیں: الیکشن کمیشن نے سیاسی جماعتوں کی نئی فہرست جاری کر دی

عشرت العباد نے کہا کہ موجودہ حکومت کے پاس وقت کم ہے، اور معیشت کی بہتری کے لیے کرپشن کے خلاف سخت احتساب کرنا ہوگا۔

مزید پڑھیں: شاہد خاقان عباسی کا نئی سیاسی جماعت کی رجسٹریشن کیلئے الیکشن کمیشن سے رجوع

انہوں نے مزید کہا کہ اگر گورننس ناکام ہو جائے تو صورتحال کسی بھی رخ اختیار کر سکتی ہے۔ سیاسی اور معاشی عدم استحکام خطرناک حد تک پہنچ چکا ہے اور امن و امان کی صورتحال خراب ہو رہی ہے۔