امیر جماعت اسلامی کا شہید اسماعیل ہنیہ کے بیٹوں سے اظہار تعزیت

?️ 3 اگست 2024

سچ خبریں: امیر جماعت اسلامی حافظ نعیم الرحمان نے دوحہ میں شہید اسماعیل ہنیہ کی نماز جنازہ میں شرکت کی اور حماس کی اعلیٰ قیادت نیز شہید کے بیٹوں کو تعزیت پیش کی۔

دوحہ میں حافظ نعیم الرحمان نے اسماعیل ہنیہ کے صاحبزادوں اور حماس کی اعلیٰ قیادت سے ملاقات کی اور ان کی شہادت پر تعزیت کی۔

انہوں نے دوحہ میں اتحاد العلما العالمی الاسلامی کی قیادت سے بھی ملاقات کی۔

یہ بھی پڑھیں: کچھ شہید اسماعیل ہنیہ کے بارے میں

ایران میں اسرائیلی حملے میں شہید ہونے والے حماس کے سربراہ اسماعیل ہنیہ کو آج دوحہ کے لوسیل قبرستان میں علامہ یوسف القرضاوی کے پہلو میں سپرد خاک کر دیا گیا۔

نماز جمعہ کے بعد ان کی نماز جنازہ مسجد امام محمد بن عبدالوہاب میں ادا کی گئی، جس میں امیر قطر شیخ تمیم بن حمد، ان کے والد، حماس رہنما خالد مشعل، اسماعیل ہنیہ کے بیٹوں، حماس، فلسطینی تنظیموں الفتح اور اسلامی جہاد کے نمائندوں اور دنیا بھر سے آئے اہم شخصیات نے شرکت کی۔

مزید پڑھیں: کیا اسماعیل ہنیہ کو صیہونیوں نے شہید کیا ہے؟

اسماعیل ہنیہ کی تصاویر اور فلسطینی پرچم اٹھائے سوگوار افراد کی بڑی تعداد بھی جنازے میں شریک تھی۔

یاد رہے کہ فلسطینی مزاحمتی تنظیم حماس کے سربراہ اسماعیل ہنیہ بدھ کے روز تہران میں اسرائیلی حملے میں شہید ہوئے تھے۔