حوالدار لالک جان کا 25 واں یوم شہادت

7 جولائی 2024

سچ خبریں: حوالدار لالک جان شہید نشان حیدر کا 25 واں یوم شہادت آج منایا جا رہا ہے، اس موقع پر پاکستان کی مسلح افواج نے انہیں خراج عقیدت پیش کیا ہے۔

آئی ایس پی آر کے مطابق، جوائنٹ چیفس آف اسٹاف کمیٹی اور سروسز چیفس نے شہید حوالدار لالک جان کو ان کی بے مثال قربانی پر خراج تحسین پیش کیا ہے۔

یہ بھی پڑھیں: پاک فوج نے میجر شبیر شریف کے 50ویں یوم شہادت پر خراج عقیدت پیش کیا

پاک فوج نے لالک جان شہید کی عظیم قربانی کو یاد کرتے ہوئے کہا ہے کہ 25 سال قبل انہوں نے کارگل جنگ میں بے مثال جرات و بہادری کا مظاہرہ کرتے ہوئے اپنی جان نچھاور کی۔

آئی ایس پی آر کا کہنا ہے کہ لالک جان شہید کی لازوال قربانی اور جوانمردی ہمارے سپاہیوں کے لیے مشعل راہ ہے۔

مزید پڑھیں: اربوں روپے منی لانڈرنگ کی تحقیقات میں بحریہ ٹاؤن سے وابستہ کمپنی ایف بی آر کے ریڈار پر آگئی

آئی ایس پی آر کے مطابق، پاکستان کا اعلیٰ ترین اعزاز مادر وطن کے دفاع کے لیے جان دینے والوں کو دیا جاتا ہے۔ قوم ہمیشہ ان بہادر شہداء کی مقروض رہے گی جنہوں نے ملک کے دفاع کے لیے اپنی جان کا نذرانہ پیش کیا۔