ہم نے عمران خان کو کوئی ڈیل آفر نہیں کی۔ عقیل ملک

?️ 26 ستمبر 2025

اسلام آباد (سچ خبریں) وزیر مملکت قانون و انصاف بیرسٹر عقیل ملک نے کہا ہے کہ ہم نے بانی پی ٹی آئی کو کوئی ڈیل آفر نہیں کی۔

بیرسٹر عقیل ملک کا کہنا تھا کہ کچھ ججز نے میڈیا کو اپنی آڈینس سمجھ لیا ہے، آئینی معاملات میں، میں نہ مانوں نہیں چلے گا۔ اُنہوں نے کہا کہ کراچی یونیورسٹی نے بھی جسٹس طارق جہانگیری سے متعلق واضح کردیا ہے، اُن کی ڈگری منسوخی کا باقاعدہ نوٹیفکیشن جاری ہو چکا ہے۔

وزیر مملکت قانون و انصاف کا کہنا تھا کہ کل پی ٹی آئی کا ناکام ترین جلسہ ہوگا، تحریک انصاف مقبول جماعت نہیں رہی اور نہ ہی ہم نے بانی پی ٹی آئی کو کوئی ڈیل آفر کی۔

بیرسٹر عقیل ملک نے کہا کہ میرے خیال سے عمران خان خود سے ہی باتیں کرکے ڈیل دے رہے ہیں، حکومت ڈیل دے گی نا ڈھیل، فیئر ٹرائل کے تمام تقاضے پورے ہو رہے ہیں، بانی پی ٹی آئی کے خلاف آئین اور قانون کے مطابق مقدمات بنے ہیں۔