ہمیں عسکری فتح کی وجہ سے سفارتی فتح ملی۔ مصدق ملک

?️ 19 جون 2025

اسلام آباد (سچ خبریں) وفاقی وزیر مصدق ملک نے کہا ہے کہ ہم امن چاہتے ہیں۔ اور ہمیں عسکری فتح کی وجہ سے سفارتی فتح ملی۔

تفصیلات کے مطابق وفاقی وزیر مصدق ملک نے میڈیا سے گفتگو کرتے ہوئے کہا کہ خطے کی صورتحال بہت خراب ہے۔ اور جارحیت پورے خطے میں پھیل چکی ہے۔ ہمارے پاس ثبوت ہیں کہ بھارت دہشتگردوں کو فنڈنگ کر رہا ہے۔ انہوں نے کہا کہ ہم نے دنیا پر واضح کر دیا ہے کہ ہم امن چاہتے ہیں۔ اور ہمیں عسکری فتح کی وجہ سے سفارتی فتح ملی۔

ذرائع کے مطابق مصدق ملک نے کہا کہ امریکی صدر ڈونلڈ ٹرمپ نے کل کہا پاکستان اور بھارت کے ساتھ تجارت پر بات ہو رہی ہے۔ اور ہم ایران کو جانتے ہیں۔ لیکن پاکستان کی طرح کوئی نہیں جانتا، یہ اہم ہے۔

انہوں نے کہا کہ اس بیان سے لگتا ہے پاکستان بھی ایران کے معاملے میں کوئی کردار ادا کر سکتا ہے۔ ایران کے ساتھ ہمارے پرانے تعلقات ہیں۔ اور پاکستان خطے میں مثبت تبدیلی کے لیے کردار ادا کرسکتا ہے۔