ہمارے زرعی شعبے کو بڑے چیلنجز کا سامنا، خوراک کا تحفظ ناگزیر ہے۔ حنیف عباسی

?️ 21 اکتوبر 2025

راولپنڈی (سچ خبریں) وزیر ریلوے حنیف عباسی نے کہا کہ ہمارے زرعی شعبے کو بڑے چیلنجز کا سامنا ہے ، خوراک کا تحفظ نا گزیر ہے۔

راولپنڈی میں وزیر ریلوے حنیف عباسی کا تقریب سےخطاب کرتے ہوئے کہنا تھا کہ زرعی شعبہ ملکی معیشت میں ریڑھ کی ہڈی کی حیثیت رکھتا ہے، خوراک کا تحفظ اہم ترین معاملہ ہے۔

اُنہوں نے کہا کہ ہمارے ملک میں بہترین زرعی یونیورسٹیاں موجود ہیں، ہمارے زرعی شعبے کو بڑے چیلنجز کا سامنا ہے، پاکستان کو معرکہ حق میں عظیم فتح ملی، دس مئی کےبعد ہمارے دشمن کو جارحیت کی جرأت نہیں ہوئی۔

وزیر ریلوے کا کہنا تھا کہ ہم نےاپنی ملکی سرحدوں کی حفاظت کی، میجر عدنان شہید کا تعلق میرے حلقے سے ہے، ڈونلڈ ٹرمپ کئی بارکہہ چکے پاکستان نے بھارت کے جنگی طیارے گرائے۔

حنیف عباسی نے مزید کہا کہ پاک فضایئہ کے شاہینوں نے معرکہ حق میں تاریخ رقم کی۔