کیا انڈا پھینکنے کے واقعے سے علیمہ خان کی حیثیت میں کوئی کمی ہوئی؟ رانا ثناءاللہ

?️ 5 ستمبر 2025

اسلام آباد (سچ خبریں) وزیرِ اعظم شہباز شریف کے مشیرِ سیاسی امور رانا ثناء اللّٰہ نے بانی پی ٹی آئی کی ہمشیرہ علیمہ خان پر انڈا پھینکنے کے واقعے کی مذمت کی ہے۔

رانا ثناءاللہ کا کہنا ہے کہ علیمہ خان کے ساتھ پیش آنے والا واقعہ قابلِ مذمت ہے۔ یہ احتجاج کا طریقہ نہیں، کسی خاتون کے خلاف یہ اقدام ناقابلِ قبول ہے۔

انہوں نے سوال کیا ہے کہ کیا اس واقعے سے علیمہ خان کی حیثیت میں کوئی کمی ہوئی ہے؟۔

وزیرِ اعظم کے مشیرِ سیاسی امور نے یہ بھی کہا کہ اس قسم کے واقعات سے اس شخصیت اور پارٹی کے ساتھ لوگوں کی ہمدری بڑھتی ہے۔