کل کا سینیٹ الیکشن وزیراعلی کیخلاف عدم اعتماد کی ریہرسل ہوگا۔ گورنر کے پی

?️ 20 جولائی 2025

پشاور (سچ خبریں) گورنر خیبرپختونخوا فیصل کریم کریم کنڈی نے کہا ہے کہ کل کا سینیٹ الیکشن وزیراعلی علی امین گنڈا پور کے خلاف عدم اعتماد کی ریہرسل ہوگا۔

تفصیلات کے مطابق گورنر کے پی نے کہا کہ جن کا اپنے نامزد کردہ امیدواروں پر بس نہیں چل رہا، ان کا ایم پی ایز اور معاہدے پر عمل درآمد کے لیے بس کہاں چلے گا؟۔

ذرائع کے مطابق گورنر خیبر پختون خوا نے کہا کہ حکومت اور اپوزیشن کے درمیان 6 اور 5 کا فارمولا طے پایا، حکومت کے امیدواروں نے بات نہیں مانی، اگر سینیٹر بن جاتے تو کہا ہوتا، ہم اپنا کام بھی ساتھ ساتھ کر رہے ہیں، 6 سے 7 سینیٹرز بنانے کی کوشش ہے۔

فیصل کریم کنڈی نے کہا کہ پی ٹی آئی والے اپنے امیدواروں کو دستبردار نہیں کر سکے، علی امین جانتے ہیں کہ انہوں نے اپنے ایم پی ایز کے ساتھ کیا کیا، وہ پہلے اپنے پارٹی اراکین میں اعتماد پیدا کریں، حکومت کے ساتھ اپوزیشن لیڈر نے مذاکرات کیے ہیں، پیپلز پارٹی نے نہیں کیے۔