سچ خبریں:سعودی عرب کے بادشاہ اور ولی عہد نے سوڈان کو 100 ملین ڈالر کی انسانی امداد فراہم کی۔
اسپوٹنک نیوز ایجنسی کی رپورٹ کے مطابق سعودی عرب میں انسانی امداد کے مرکز کے نگراں عبداللہ بن عبدالعزیز الربیعہ نے کہا ہے کہ سعودی بادشاہ سلمان بن عبدالعزیز اور ولی عہد محمد بن سلمان کی جانب سے انسانی ہمدردی کے اقدامات کے فریم ورک اور سوڈانی عوام کے درد و تکلیف کے اثرات کو کم کرنے کی غرض سے اس ملک کو 100 ملین ڈالر کی امداد دینے کا اعلان کیا گیا ہے۔
یاد رہے کہ اس سے قبل سعودی عرب اور امریکہ نے ایک مشترکہ بیان جاری کیا تھا جس میں جدہ میں ریپڈ ایکشن فورسز اور سوڈانی فوج کے نمائندوں کے درمیان ابتدائی بات چیت کے آغاز کا خیرمقدم کیا گیا تھا۔
یاد رہے کہ جمعہ کی شام سوڈانی فوج اور ریپڈ ایکشن فورسز کے وفود مغربی سعودی عرب کے شہر جدہ کے لیے روانہ ہوئے تاکہ ان کے درمیان مذاکرات شروع ہوں۔
واضح رہے کہ 15 اپریل سے سوڈانی فوج اور ریپڈ ایکشن فورسز کے درمیان مسلسل لڑائی کی وجہ سے بہت سے ممالک نے سوڈان میں تعینات اپنے شہریوں اور سفارت کاروں کو زمینی، سمندری اور فضائی راستوں سے واپس بلا لیا ہے نیز بہت سارے ممالک نے اس میں اپنے سفارتخانے اور دیگر سفارتی مراکز بھی بند کر دیے ہیں۔