?️
اسلام آباد: (سچ خبریں) بلومبرگ کی رپورٹ کے مطابق ڈالر کی غیر قانونی تجارت کے خلاف پاکستان کے اقدامات سے ترسیلات زر میں نمایاں بہتری آئی ہے۔
رپورٹ میں اسٹیٹ بینک آف پاکستان (ایس بی پی) کے اعداد و شمار کا حوالہ دیتے ہوئے کہا گیا ہے کہ ترسیلات زر گزشتہ سال کے مقابلے میں نومبر تک 5 ماہ کے دوران 34 فیصد اضافے کے ساتھ 14.8 ارب ڈالر تک پہنچ گئیں۔
رواں سال روپے کی قدر میں 2 فیصد اضافہ ہوا اور اسے عالمی مالیاتی فنڈ (آئی ایم ایف) کے قرض پروگرام اور ترسیلات زر کی وجہ سے بہترین کارکردگی کا مظاہرہ کرنے والی ابھرتی ہوئی مارکیٹوں کی کرنسیوں میں شمار کیا جاتا ہے۔
اس سے قبل وزیر خزانہ محمد اورنگزیب نے بھی ترسیلات زر میں اضافے کا ذکر کرتے ہوئے کہا تھا کہ رواں مالی سال ترسیلات زر کے ذریعے 35 ارب ڈالر کی آمد متوقع ہے۔
جولائی تا اکتوبر پاکستان کو 11 ارب 85 کروڑ ڈالر کی ترسیلات زر موصول ہوئیں، جو اوسطاً 2 ارب 96 کروڑ 20 لاکھ ڈالر ماہانہ ہیں، ملک کو اکتوبر میں 3.052 ارب ڈالر اور ستمبر میں 2.859 ارب ڈالر موصول ہوئے، جو ترسیلات زر میں اضافے کا رجحان ظاہر کرتے ہیں۔
مالی سال 2024 میں ملک کو 30.25 ارب ڈالر موصول ہوئے، جو گزشتہ سال کے مقابلے میں 13.3 فیصد کم ہے۔
لندن میں فچ سلوشنز کمپنی ’بی ایم آئی‘ میں ابھرتی ہوئی مارکیٹ کے ماہر اقتصادیات جان ایشبورن نے بلومبرگ کو بتایا کہ ایسا لگتا ہے کہ کرنسی اصلاحات سے ترسیلات زر میں اضافہ ہوا ہے اور قانونی طریقے سے زیادہ ترسیلات پاکستان بھیجی جارہی ہیں۔
مالیاتی ماہرین کا خیال ہے کہ ترسیلات زر میں اضافہ شرح تبادلہ میں استحکام اور کرنسیوں کی غیر قانونی تجارت کے خلاف کریک ڈاؤن کا نتیجہ ہے۔
رپورٹ میں یہ بھی کہا گیا ہے کہ ملک آئی ایم ایف کی ہدایات کے مطابق سخت معاشی اقدامات پر عمل درآمد کر رہا ہے۔
رپورٹ میں کہا گیا ہے کہ ڈالر کی غیر قانونی ٹریڈنگ کے خلاف کریک ڈاؤن سے کچھ ٹرانزیکشنز کو سرکاری بینکنگ چینلز پر منتقل کرنے میں مدد مل سکتی ہے، جس کی وجہ سے نومبر کے آخر تک زرمبادلہ کے ذخائر بڑھ کر 12 ارب ڈالر سے تجاوز کر گئے جو مارچ 2022 کے بعد سب سے زیادہ ہیں۔
ایف آئی اے نے ایک سال قبل شروع کی گئی کوششوں میں منی چینجرز کے دفاتر پر چھاپے مارے، لوگوں کو گرفتار کیا اور منی ایکسچینج میں سادہ کپڑوں میں سیکیورٹی اہلکاروں کو بھی تعینات کیا۔
دریں اثنا ایکسچینج کمپنیز ایسوسی ایشن آف پاکستان کے جنرل سیکریٹری ظفر پراچا کا اندازہ ہے کہ گزشتہ 2 سال میں غیر قانونی ڈالر مارکیٹ کا حجم کم از کم 20 فیصد گر گیا ہے، جس میں 10 ارب ڈالر باضابطہ بینکنگ چینلز میں گئے ہیں۔
مشہور خبریں۔
نیتن یاہو میں قتل و غارت کی پالیسی اپنانے کی ہمت نہیں / استقامتی محاذ پہلے سے زیادہ متحد ہے:عطوان
?️ 26 اپریل 2023سچ خبریں:ایک ممتاز عرب تجزیہ کار کا کہنا ہے کہ آج استقامتی
اپریل
غزہ بدترین قحط کی لپیٹ میں؛اقوام متحدہ کا انتباہ
?️ 19 اپریل 2025 سچ خبریں:اقوام متحدہ کے خصوصی نمائندے برائے حق غذا، میشائیل فخری
اپریل
باغیوں کی باغیوں کی امداد طلب
?️ 6 اگست 2023سچ خبریں: نائیجر میں بغاوت کے منصوبہ سازوں کی جانب سے تشکیل
اگست
صیہونی حکومت میں ہاؤسنگ مارکیٹ کا زوال
?️ 21 نومبر 2023سچ خبریں: گلوبز اخبار کے مطابق تل ابیب کے علاقے کے تاجروں نے
نومبر
ممنوعہ فنڈنگ کیس: عمران خان کی عبوری ضمانت میں 31 جنوری تک توسیع
?️ 5 جنوری 2023اسلام آباد: (سچ خبریں) ممنوعہ فنڈنگ کیس میں بینکنگ کورٹ اسلام آباد
جنوری
سوڈان میں بغاوت کی مبہم صورتحال؛ تنازعات کا خاتمہ یا کشیدگی ؟
?️ 29 اپریل 2023سچ خبریں:اگرچہ سوڈان میں وقتی طور پر جنگ بندی ہو گئی ہے
اپریل
تل ابیب پر جوابی حملے میں حزب اللہ کا پیغام
?️ 26 ستمبر 2024سچ خبریں: اس حکومت کے حالیہ جرائم کے جواب میں اسرائیلی حکومت
ستمبر
عمران خان ملکی مفادات سے کھیلنے، آئین شکنی کرنے سے بھی نہیں ڈرتا، مریم اورنگزیب
?️ 18 مارچ 2023اسلام آباد:(سچ خبریں) وفاقی وزیر اطلاعات و نشریات مریم اورنگزیب نے سابق
مارچ