?️
اسلام آباد: (سچ خبریں) آپریشن بنیان مرصوص میں پاک فضائیہ کے ہاتھوں انڈین ایئرفورس کی بدترین شکست کے بعد چین نے پاکستان کو جدید فائٹر جیٹ جے 35 اے فراہم کرنے کا اعلان کردیا۔
میڈیا رپورٹس کے مطابق پاکستان اور بھارت کے درمیان کشیدگی کے دوران رافیل اور دیگر طیارے مار گرانے کے بعد چینی جہازوں اور پاکستانی پائلٹوں کو دنیا بھر میں سراہا گیا ہے، جس کے بعد چین نے پاکستان کو جدید جے 35 اے دینے کا بھی اعلان کیا ہے، جس کی ابتدائی کھیپ 2026ء کی پہلی سہ ماہی میں فراہم کی جائے گی۔
پاکستان ایئر فورس کے ذرائع کا کہنا ہے کہ چین کی جانب سے شینیانگ ایئر کرافٹ کارپوریشن کے ففتھ جنریشن فائٹر کی منتقلی میں تیزی لائی گئی ہے، ٹائم لائن میں اس ایڈجسٹمنٹ کو بڑی حد تک بڑھتی ہوئے علاقائی کشیدگی اور پاکستان کی فضائی دفاعی صلاحیتوں کو بڑھانے کے لیے ایک اسٹریٹجک اقدام کے طور پر دیکھا جارہا ہے، نظرثانی شدہ شیڈول کے ساتھ پاکستان کو ان جدید اسٹیلتھ فائٹرز کی پہلی کھیپ 2026ء کے اوائل میں موصول ہوگی۔
بتایا گیا ہے کہ یہ دونوں ممالک کے درمیان دفاعی تعاون کی فوری ضرورت کو اجاگر کرتی ہے کیوں کہ خطے کی صورتحال کے پیش نظرپاکستان اپنی فضائی جنگی صلاحیتوں میں نمایاں اپ گریڈیشن کر رہا ہے، اسی سلسلے میں 2024ء کے اواخر میں پاکستان کی جانب سے J35A اسٹیلتھ فائٹرز کے حصول کا ارادہ ظاہر کیا گیا، جو کہ چین سے ففتھ جنریشن لڑاکا طیارے کی پہلی معلوم ایکسپورٹ ہے جو بیجنگ کے لیے ایک اہم کامیابی ہے کیوں کہ وہ خود کو ایک عالمی دفاعی برآمد کنندہ کے طور پر شناخت کرانا چاہتا ہے۔
معلوم ہوا ہے کہ اس معاہدے کا اعلان چین کے سینٹرل ملٹری کمیشن کے وائس چیئرمین جنرل ژانگ یوشیا کے اسلام آباد کے ایک اہم دورے کے قریب کیا گیا جو پاکستان کے آرمی چیف جنرل عاصم منیر کے ساتھ ملاقات کیلئے آئے تھے، اپریل میں قیاس آرائیوں میں اس وقت شدت آئی جب پی اے ایف کے سربراہ ایئر چیف مارشل ظہیر احمد بابر نے بیجنگ کا دورہ کیا جہاں بعد میں سرکاری چینی میڈیا نے 8 اپریل کو وزیر دفاع ڈونگ جون سے ان کی ملاقات کی تصدیق کی۔


مشہور خبریں۔
انصاراللّٰہ کا سلامتی کونسل کی پابندیوں کے فیصلے پر سخت ردعمل،جواب ضرور دیا جائے گا
?️ 15 نومبر 2025 انصاراللّٰہ کا سلامتی کونسل کی پابندیوں کے فیصلے پر سخت ردعمل،جواب
نومبر
یمنی سفارت کار نے جارح اتحاد کی اسٹریٹجک گہرائی کو نشانہ بنانے کے لیے خبردار کیا
?️ 31 مارچ 2022یمنی سفارت کار علی بن محمد الزہری نے ایک انٹرویو میں یمنی
مارچ
یوکرین میں ہماری حیاتیاتی تجربہ گاہیں پرامن مقاصد کے لیے ہیں:امریکہ
?️ 31 اگست 2022سچ خبریں:امریکی محکمہ خارجہ نے دعویٰ کیا کہ یوکرین میں اس ملک
اگست
سعودی شہزادہ موت سے ایک قدم کے فاصلے پر
?️ 13 جولائی 2021سچ خبریں:موجودہ سعودی ولی عہد شہزادہ کے حکم قید کیے جانے والے
جولائی
فیض حمید کا کورٹ مارشل اور 14 سال قید ہوگی۔ فیصل واوڈا کا پھر دعوی
?️ 23 مئی 2025اسلام آباد (سچ خبریں) سینیٹر فیصل واوڈا نے ایک بار پھر دعوی
مئی
امریکی خارجہ پالیسی کی ترجیحات کیا ہیں؟
?️ 14 جون 2023سچ خبریں:امریکی صدر نے وائٹ ہاؤس میں تقریر کرتے ہوئے کہا کہ
جون
پنجاب حکومت کا قیمتوں پر قابو پانے کے لیے مجسٹریٹ نظام بحال کرنے کا فیصلہ
?️ 20 ستمبر 2022لاہور: (سچ خبریں) وزیراعلیٰ پنجاب چوہدری پرویزالٰہی اور انتظامی سیکرٹریز نے ایگزیکٹو
ستمبر
امریکی اور چینی صدور کی 6 سال بعد ملاقات
?️ 30 اکتوبر 2025سچ خبریں: امریکی صدر اور چینی صدر نے آج چھ سال بعد
اکتوبر