چھوٹی اور متوسط انڈسٹریز کیلئے پالیسیاں متعارف کروا دیں تو پاکستان کی معیشت مضبوط ہو جائے گی۔

🗓️ 1 مارچ 2022

اسلام آباد: (سچ خبریں) وزیراعظم عمران خان نے کہا ہے کہ گزشتہ حکومتیں ملکی معیشت کو درست سمت پر گامزن کرنے میں ناکام رہی ہیں، ہم چھوٹی اور متوسط انڈسٹریز کیلئے پالیسیاں لے کر آئے ہیں۔ ان کی رکاوٹیں اور مشکلات کو ختم کر رہے ہیں جس سے پاکستان کی معیشت مضبوط ہو گی اور پاکستان تیزی سے اوپر جائے گا۔

وزیر اعظم عمران خان ایک روزہ دورے پر لاہور میں موجود ہیں جہاں پر انڈسٹریل پیکج کے حوالے سے منعقدہ تقریب سے خطاب کرتے ہوئے وزیراعظم کا کہنا تھا کہ ملک صنعتوں کی وجہ سے آگے بڑھتے ہیں۔ کبھی برآمدات پر توجہ نہیں دی گئی، زرمبادلہ کم ہوجانے کی وجہ سے ہمیں آئی ایم ایف کے پاس جانا پڑا۔ جو پیکج آج دیا وہ پہلے ہی بزنس کمیونٹی کو دے دینا چاہیے تھا۔ حکومت میں آتے ہی فیصلہ کیا تھا صنعتوں پرتوجہ دینی ہے، پرکشش مراعات کی بنیاد پر سرمایہ کار راغب ہوتے ہیں، ماضی میں طویل مدتی منصوبہ بندی نہ ہونے سے معاشی نقصان ہوا۔

عمران خان نے کہا کہ اوورسیزپاکستانیوں کیلئےہم نےسپیشل کورٹس بنادیں، اوورسیز پاکستانی پلاٹس خریدتےتھےلیکن قبضےہوجاتےتھے، آئی ٹی انڈسٹری میں بھارت ہم سےبہت آگےنکل گیا، آئی ٹی انڈسٹری کو پہلے مراعات ہی نہیں دی گئیں، پہلی بار ہم آئی ٹی کمپنیوں کومراعات دے رہے ہیں۔