پی ٹی آئی رہنماؤں کے غیر ذمہ دارانہ بیانات سے ملکی ساکھ کو نقصان پہنچا۔ وزیراعظم

?️ 16 جولائی 2025

اسلام آباد (سچ خبریں) وزیراعظم شہباز شریف نے کہا ہے کہ پاکستان تحریک انصاف (پی ٹی آئی) رہنماؤں کے غیر ذمہ دارانہ بیانات سے پابندیاں لگیں اور ملکی ساکھ کو نقصان پہنچا۔

تفصیلات کے مطابق وزیر اعظم شہباز شریف سے وزیر دفاع خواجہ آصف نے ملاقات کی۔ ملاقات میں سیاسی اور وزارتی امور پر بھی تبادلہ خیال کیا گیا۔ وزیراعظم نے خواجہ آصف کو برطانیہ کی جانب سے پاکستانی پروازوں پر پابندی کے خاتمے پر مبارکباد دی۔

ذرائع کے مطابق شہباز شریف نے کہا کہ برطانیہ کے لیے پاکستانی پروازوں کا دوبارہ آغاز انتہائی اہم سنگ میل ہے۔ اور برطانیہ میں مقیم پاکستانیوں کے لیے سفری سہولت میں اضافہ ہوگا۔

انہوں نے کہا کہ پاکستان تحریک انصاف (پی ٹی آئی) رہنماؤں کے غیر ذمہ دارانہ بیانات سے پابندیاں لگیں اور ملکی ساکھ کو نقصان پہنچا۔ وزیر اعظم نے کہا کہ برطانیہ کی جانب سے پروازوں پر پابندی کے خاتمے سے سیاحت کو فروغ ملے گا۔