پنجاب میں مزید 14 دن کا لاک ڈاون لگا دیا گیا

?️ 16 مئی 2021

اسلام آباد (سچ خبریں) تفصیلات کے مطابق کیبنٹ کمیٹی پنجاب برائے کورونا کی سفارشات کے مطابق پنجاب بھر میں لاک ڈاؤن میں توسیع کرتے ہوئے 17 سے 30 مئی تک نافذ العمل رہے گا، تمام مارکیٹس کے کاروباری اوقات رات 8 بجے تک ہونگے۔

اعلامیے کے مطابق میڈیکل سروسز، فارمیسیز ، ویکسی نیشن سنٹرز، پیٹرول پمپس، تندور، ڈیری شاپس، فوڈڈ لیوری سروس اینڈ ای کامرس، کورئیر اینڈ پوسٹل سروسز، بجلی، گیس، انٹرنیٹ، سیلولر کمپنیز، کال سینٹرز اور میڈیا ہاوسز 24 گھنٹے کھلے رکھنے کی اجازت ہوگی جبکہ تمام انڈور اور آوٹ ڈور ریسٹورنٹس پر مکمل پابندی عائد ہو گی صرف ٹیک آویز کی اجازت ہوگی۔

کیبنٹ کمیٹی پنجاب برائے کورونا کے مطابق سرگودھا سمیت پنجاب کے وہ اضلاع جن میں کورونا وائرس پازٹیوٹی کی شرح 8فیصد سے زیادہ ہے وہاں تمام انڈور اور آوٹ ڈور شادی کی تقریبات، ریسٹورینٹس اور مزارات پرمکمل پابندی عائد ہوگی۔

کیبنٹ کمیٹی پنجاب برائے کورونا کے مطابق بہاولپور، بہاولنگر، بھکر، ڈیرہ غازی خان، فیصل آباد، گوجرانوالہ ، لجھنگ، قصور، خانیوال، لاہور، لیہ، میانوالی، گوجرنوالہ مظفرگڑھ، اوکاڑہ، پاکپتن، راجن پور، راولپنڈی، رحیم یار خاناور ٹوبہ ٹیک سنگھ کے علاقے شامل ہیں جہاں کورونا کیسز کی شرح 8 فیصد سے زیادہ ہے۔

تمام سرکاری اور نجی دفاتر کو فیصد50 سٹاف کے ساتھ کام کرنے کی اجازت ہو گی جبکہ تمام سینما ہالز اور تھیٹر بدستور بند رہیں گے اور ہر قسم کے سپورٹس، ثقافتی تہوار اور اجتماعات پر مکمل پابندی عائدہوگی۔

اعلامیے کے مطابق تمام بین الصوبائی اور شہروں کے درمیان ٹرانسپورٹ کو فیصد50 گنجائش کے ساتھ چلنے کی اجازت ہوگی جبکہ صعنت اور زراعت کے شعبے کو استثنی حاصل ہوگا۔

واضح رہے کورونا سے متعلق سرکاری ویب سائٹ کے مطابق پچھلے 24 گھنٹے کے دوران 76 مریض انتقال کرگئے جبکہ 2 ہزار 379 نئے کیسز بھی سامنے آگئے جس کے بعدکیسز کی مجموعی تعداد 8 لاکھ 77 ہزار 130 ہوگئی ہے۔