پاکستان نے کورونا وائرس پھیلاو کو روکنے کے لئے 12 ممالک کے مسافروں پر پابندی عائد کر دی

پاکستان: کورونا سے مزید 57 افراد جان کی بازی ہار گئے

?️

راولپنڈی(سچ خبریں) پاکستان میں کورونا وائرس کے بڑھتے ہوئی لہر کو دیکھتے ہوئے اور کیسز کی روک تھام کی کوشش میں سول ایوی ایشن اتھارٹی (سی اے اے) نے اے، بی اور سی کیٹیگری میں شامل ممالک کی نئی فہرست جاری کردی جس کے بعد ان ممالک کے سے آنے والے مسافر ملک میں داخل نہیں ہو سکتے۔یاد رہے کہ یہ اقدام وائرس کی جنوبی افریقی اور برازیلی قسم سامنے آنے کے بعد کیا گیا اور 12 ممالک سے مسافروں کی آمد پر مکمل پابندی عائد کردی۔

کیٹیگری سی میں شامل 12 ممالک سے مسافروں کی آمد پر پابندی 23 مارچ سے 5 اپریل تک جاری رہے گی۔اس ضمن میں ایک اعلامیہ جاری کرتے ہوئے سی اے اے نے کہا کہ ‘این سی او سی نے آگاہ کیا کہ کیٹیگری سی میں شامل ممالک سے پاکستان آمد پر مکمل پابندی ہوگیجس میں پاکستانی پاسپورٹ، نائیکوپ اور پی او سی رکھنے والے افراد بھی شامل ہوں گے جو اس سے قبل اس پابندی سے مستثنیٰ تھے۔

اعلامیے کے مطابق یہ عارضی اقدام پاکستان میں کووِڈ 19 کا پھیلاؤ روکنے کے لیے اٹھائے گئے اقدامات کے سلسلے کے طور پر اٹھایا گیا۔

اس حوالے سے ایوی ایشن ڈویژن کے ایک ترجمان نے بتایا کہ سول ایوی ایشن نے ملک میں آنے والے ممالک کے لیےاپنی کیٹگیری سی اپڈیٹ کی ہے اور برطانیہ کو اس سے نکال کر کیٹیگری بی میں شامل کردیا ہے۔

سول ایوی ایشن کے ڈائریکٹر ایئر ٹرانسپورٹ اینڈ اکنامک ریگولیشنز عرفان صابر نے ممالک کی نظرِ ثانی شدہ فہرست جاری کی۔

نوٹیفکیشن میں کہا گیا کہ 29 جنوری کو کیٹیگری سی میں شامل ممالک سے مسافروں کی پاکستان آمد پر پابندی 5 اپریل تک جاری رہے گی۔

سی اے اے کا مزید کہنا تھا کہ کیٹیگری اے میں شامل ممالک کے بین الاقوامی مسافروں کے پاکستان میں داخ؛ ہونے سے قبل کووِڈ 19 کا پی سی آر (پولیمرس چین ری ایکشن) ٹیسٹ درکار نہیں ہوگا۔

خیال رہے کہ کیٹیگری اے میں آسٹریلیا، بھوٹان، چین، جاپان، کازغستان، لاؤس، منگولیا، ماریٹانیا، مراکش، میانمار، نیپال، نیوزی لینڈ، سعودی عرب، سنگاپور، جنوبی کوریا، سری لنکا، تاجکستان، ترنیڈیڈ اینڈ ٹوباگو اور ویتنام شامل ہیں۔

دوسری جانب بوٹسوانا، برازیل، کولمبیا، گھانا، کومروس، کینیا، موزمبیق، پیرو، روانڈا، جنوبی افریقہ، تنزانیہ اور زمبیا کو کیٹیگری سی میں شامل کیا گیا ہے۔

تاہم کیٹیگری اے میں شامل ممالک سے آنے والے مسافروں کو پرواز سے قبل کووِڈ 19 کا ٹیسٹ دکھانا ہوگا۔نوٹیفکیشن کے مطابق وہ تمام ممالک جو اے اور سی کیٹیگری میں شامل نہیں وہ کیٹیگری بی کا حصہ ہیں۔

چنانچہ کیٹیگری سی والے ممالک سے پاکستان میں بین الاقوامی سفر پر پابندی عائد کردی گئی ہے اور صرف نیشنل کمانڈ اینڈ آپریشن سینٹر کی ہدایات کے مطابق ہی اس کی اجازت دی جائے گی۔

مشہور خبریں۔

ایسا ملک جہاں 70 لاکھ لوگ ہسپتال میں علاج کے منتظر

?️ 13 اگست 2023سچ خبریں: برطانیہ میں ہسپتال میں معمول کے علاج کے منتظر افراد

رانا ثناء اللہ کی خود سمیت چھ سات وزراء کے مستعفی ہونے کی تجویز

?️ 21 جنوری 2023لاہور: (سچ خبریں) وزیر داخلہ رانا ثناء اللہ نے کہا ہے کہ

نیتن یاہو اسرائیل کی تباہی کے ذمہ دار: موساد

?️ 6 نومبر 2023سچ خبریں:الاقصیٰ طوفان آپریشن میں ناکامی کے بعد، موساد کی جاسوسی سروس

نئی نہروں کیخلاف احتجاج؛ وکلاء کا سندھ پنجاب شاہراہ بند کرنے کا اعلان

?️ 16 اپریل 2025کراچی: (سچ خبریں) سندھ ہائیکورٹ بار نے نئی نہروں کیخلاف احتجاج کرتے

معروف اداکار قوی خان 80 برس کی عمر میں انتقال کر گئے

?️ 6 مارچ 2023کراچی: (سچ خبریں) پی ٹی وی اور فلم انڈسٹری کے معروف اداکار

تائیوان کی سلامتی کا عالمی سطح پر اثر ہے: امریکی سینیٹر

?️ 15 اپریل 2022سچ خبریں: امریکی وفد، جس نے چین کے انتباہ کی پرواہ کیے بغیر

عمران خان کے خلاف توشہ خانہ کیس کی جلد سماعت کیلئے الیکشن کمیشن کی درخواست مسترد

?️ 11 اپریل 2023اسلام آباد:(سچ خبریں) اسلام آباد کی ڈسٹرکٹ اینڈ سیشن کورٹ نے سابق

زرمبادلہ کے ذخائر میں 6 ہفتے بعد کمی ریکارڈ

?️ 31 مارچ 2023کراچی: (سچ خبریں) مرکزی بینک کے زرمبادلہ کے ذخائر میں 6 ہفتوں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے