ٹرمپ دنیا کا چودھری بنا ہوا، امریکا قابلِ بھروسہ نہیں۔ عبدالغفور حیدری

?️ 24 جون 2025

اسلام آباد (سچ خبریں) رہنما جے یو آئی (ف) مولانا عبدالغفور حیدری کا کہنا ہے کہ امریکا کا کوئی بھروسہ نہیں ہے۔

تفصیلات کے مطابق وفاقی دارالحکومت میں مولانا عبدالغفور حیدری کا تقریب سے خطاب کرتے ہوئے کہنا تھا کہ سعودی عرب اور پاکستان کے بڑے گہرے تعلقات ہیں۔

ذرائع کے مطابق انہوں نے کہا کہ ڈونلڈ ٹرمپ پوری دنیا کا چودھری بنا ہوا ہے، پاک، بھارت جنگ کے دوران ٹرمپ نے کہا ان کا کوئی لینا دینا نہیں، ٹرمپ نے جب دیکھا بھارت کو مار پڑ رہی ہے تو جنگ بندی کرا دی، امریکا کا کوئی بھروسہ نہیں ہے۔

رہنما جے یو آئی (ف) کا مزید کہنا تھا کہ سعودی عرب نے ہمیشہ حج کےدوران بہترین انتظامات کیے۔