ٹرانسپورٹرز کا ملک گیر ہڑتال ختم کرنے کا اعلان

?️

کراچی: (سچ خبریں) ٹرانسپورٹرز آف گڈز ایسوسی ایشن نے حکام سے کامیاب مذاکرات کے بعد ملک گیر ہڑتال ختم کرنے کا اعلان کردیا۔

ڈان نیوز کے مطابق ٹرانسپورٹرز آف گڈز ایسوسی ایشن کی جانب سے کراچی کی بندرگاہوں پر ہڑتال چوتھے روز میں داخل ہونے کے بعد مزید شدت اختیار کرگئی تھی جس سے نہ صرف تجارتی سرگرمیاں متاثر ہورہی تھیں بلکہ مال برداری کا نظام مکمل طور پر مفلوج ہو کر رہ گیا تھا۔

گڈز ٹرانسپورٹ ایسوسی ایشن کی ہڑتال کے باعث کراچی پورٹ پر 36 گھنٹے سے کام بند پڑا تھا جس سے کراچی کے تاجروں کو اربوں روپے نقصان کا سامنا کرنا پڑا۔

یہ ہڑتال سندھ حکومت کی جانب سے گاڑیوں کی فٹنس کے نئے ضوابط نافذ کرنے کے خلاف شروع ہوئی تھی، جس کے نتیجے میں ہزاروں کنٹینرز بندرگاہوں اور گوداموں میں پھنس گئے تھے، اور برآمد کنندگان و درآمد کنندگان میں شدید تشویش میں مبتلا تھے۔

سندھ حکومت نے کراچی میں ہیوی ٹریفک سے ہونے والے حادثات میں اضافے کے پیشِ نظر گاڑیوں کی فٹنس کے ضوابط کو سخت کیا تھا، کیوں کہ شہر قائد میں خاص طور پر ڈمپرز اور واٹر ٹینکروں سے حادثات میں اضافہ دیکھا گیا۔

کمشنر کراچی سید حسن نقوی نے ڈان ڈاٹ کام سے بات کرتے ہوئے کہا ’ٹرانسپورٹرز ایسوسی ایشن نے صوبائی حکومت اور ڈویژنل انتظامیہ کو یقین دہانی کروائی ہے کہ وہ بھاری گاڑیوں میں موجود خامیوں کو وقت کے ساتھ درست کرنے میں مکمل تعاون کریں گے۔

ان کا کہنا تھا کہ مال بردار ٹرانسپورٹرز ہر ہفتے ٹریفک پولیس کے ڈپٹی انسپکٹر جنرل کو رپورٹ فراہم کریں گے اور اس دوران وہ کوئی بھی گاڑی نہیں چلائیں گے جو روڈ کے قابل نہیں ہوگی۔

مزید کہا کہ ضبط کی گئی بڑی گاڑیاں فوری طور پر چھوڑ دی جائیں گی تاہم جن گاڑیوں کی حالت نہایت خستہ ہوں گی، وہ ایک حلف نامے کے تحت مالکان کو فراہم کی جائیں گی جس میں یہ یقین دہانی شامل ہوگی کہ گاڑی اس وقت تک سڑک پر نہیں آئے گی جب تک اس کی انسپیکشن نہ ہوجائے اور فٹنس سرٹیفیکٹ حاصل نہ کرلیا جائے۔

گڈز ٹرانسپورٹ ایسوسی ایشن کے صدر طارق گجر کا کہنا تھا کہ حکام نے ان کے مطالبات کو جائز تسلیم کیا اور مختلف مسائل، جن میں بھاری گاڑیوں کی فٹنس بھی شامل ہے، پر عملدرآمد کے لیے 6 ماہ کا وقت دیا تاکہ شہر میں بڑھتے ہوئے حادثات پر قابو پایا جاسکے۔

انہوں نے بتایا کہ کمشنر نے انہیں آگاہ کیا کہ موٹر وہیکل انسپکٹرز کی تعداد بڑھا کر 25 کر دی گئی ہے اور مزید 25 انسپکٹرز بھرتی کیے جائیں گے تاکہ گاڑیوں کو فٹنس سرٹیفکیٹ جاری کرنے کی کمی کو پورا کیا جا سکے۔

طارق گجر نے بتایا کہ یہ انسپکٹرز اُن کے دفاتر کا دورہ کریں گے اور کمپیوٹرائزڈ فٹنس سرٹیفکیٹس جاری کریں گے۔

انہوں نے وضاحت کی کہ ایسوسی ایشن نے طویل مدتی اقدامات کے تحت صوبائی حکومت کو یہ تجویز دی ہے کہ کراچی کے اہم علاقوں، بشمول صدر اور طارق روڈ، سے ہزاروں گوداموں کو شہر کے مضافات میں منتقل کیا جائے۔

اس کے علاوہ، یہ تجویز بھی دی گئی ہے کہ شہر کے صنعتی علاقوں میں بھاری گاڑیوں کے لیے مخصوص سڑکیں قائم یا مختص کی جائیں اور انہی شاہراہوں پر موٹر سائیکلوں کے لیے علیحدہ ٹریک مختص کیے جائیں تاکہ مستقبل میں حادثات سے بچا جا سکے۔

ان کا مزید کہنا تھا کہ تاجر برادری نے بھی وزیر اعظم شہباز شریف سے رابطہ کیا تھا تاکہ صوبائی حکومت کی جانب سے گڈز ٹرانسپورٹ کے خلاف اچانک اقدامات سے پیدا ہونے والے مسئلے کا حل نکالا جا سکے۔

مشہور خبریں۔

کرگل :جمعتہ الوداع کو ”یوم قدس“ کے طور پر منایا گیا، اسرائیل کے خلاف شدید احتجاج

?️ 29 مارچ 2025کرگل: (سچ خبریں) بھارت کے غیر قانونی زیر قبضہ جموں و کشمیر

نیتن یاہو اور ان کی اہلیہ غزہ میں زندہ اسرائیلی قیدیوں کی تعداد پر متفق نہیں ہیں

?️ 3 مئی 2025سچ خبریں: جعلی اسرائیل کے یوم تاسیس یوم النقبہ کے مشعل برداروں

کیا حکومت جماعت اسلامی کے ساتھ کیے وعدے پورے کرے گی؟

?️ 13 اگست 2024سچ خبریں: امیر جماعت اسلامی پاکستان، حافظ نعیم الرحمان نے کہا ہے

نیتن یاہو کے خاندان نے ایک مضبوط ٹھکانے پر پناہ لی

?️ 26 اکتوبر 2023سچ خبریں:عبرانی زبان نیوز سائٹ کے مطابق جنگ کے آغاز کے بعد

نیتن یاہو قیدیوں کو قتل کرنے کا خواہاں: حماس

?️ 28 دسمبر 2024سچ خبریں: اسامہ حمدان نے کہا کہ کمال عدوان ہسپتال اور شمالی

حماس کا مسجدالاقصی میں صہیونی پرچم مارچ پر شدید انتباہ

?️ 23 اپریل 2025 سچ خبریں:فلسطینی مزاحمتی تحریک حماس نے صہیونی آبادکاروں کی جانب سے

سعودی عرب فلسطین کی تشکیل کے لیے اسرائیل کے ٹھوس اقدامات پر مصر نہیں 

?️ 2 فروری 2024سچ خبریں:تین باخبر ذرائع نے دعویٰ کیا ہے کہ سعودی عرب دفاعی

سیالکوٹ واقعے میں ملوث افراد کو کیفر کردار تک پہنچائیں گے

?️ 4 دسمبر 2021لاہور (سچ خبریں) تفصیلات کے مطابق گورنر ہاؤس پنجاب میں میڈیا سے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے