َآزاد کشمیر کا نیا وزیر اعظم کون ہوگا

🗓️ 27 جولائی 2021

اسلام آباد(سچ خبریں) ذرائع کے مطابق اسلام آباد میں وزیرِ اعظم عمران خان کی زیرِ صدارت اجلاس ہوا جس میں آزاد کشمیر کے وزیرِ اعظم کے لیے مختلف ناموں پر مشاورت کی گئی۔ذرائع نے بتایا ہے کہ اجلاس میں وفاقی وزراء شاہ محمود قریشی، فواد چوہدری، علی امین گنڈا پور شریک ہوئے۔

ذرائع کے مطابق آزاد کشمیر کی وزارتِ عظمیٰ کے لیے پی ٹی آئی کے 3 مضبوط ترین امیدوار سامنے آ گئے، بیرسٹر سلطان محمود چوہدری اور سردار تنویرالیاس میں سخت مقابلہ ہے جبکہ پی ٹی آئی کے چوہدری انوارالحق بھی اس دوڑ میں شامل ہیں۔

بیرسٹر سلطان محمود چوہدری پی ٹی آئی آزاد کشمیر کے صدر اور مسلسل نویں مرتبہ رکنِ اسمبلی منتخب ہوئے ہیں، وہ پی ٹی آئی کے ٹکٹ پر تیسری مرتبہ رکنِ اسمبلی منتخب ہوئے ہیں۔

ذرائع نے یہ بھی بتایا ہے کہ تینوں امیدواروں نے اپنی اپنی لابنگ شروع کر دی ہے۔ہمیں کشمیر الیکشن میں 50، 55 ووٹ سے ہرایا گیا: رانا ثناء اللّٰہذرائع کا یہ بھی کہنا ہے کہ اجلاس میں آزاد کشمیر کے وزیرِ اعظم کے معاملے پر مزید مشاورت کا بھی فیصلہ کیا گیا۔آزاد کشمیر کے وزیرِ اعظم کا حتمی فیصلہ وزیرِ اعظم عمران خان کریں گے۔