وزیر اعلیٰ بلوچستان کا وفاقی بجٹ اجلاس کے بائیکاٹ کا اعلان

?️

اسلام آباد:(سچ خبریں) وزیر اعلیٰ بلوچستان میر عبدالقدوس بزنجو نے اسلام آباد میں ہونے والے وفاقی بجٹ کے اجلاس کے بائیکاٹ کا اعلان کردیا۔

جمعرات کو جاری ایک بیان میں انہوں نے کہا کہ بلوچستان عوامی پارٹی کے اراکین قومی اسمبلی اور سینیٹرز قومی اسمبلی کے بجٹ اجلاس میں شرکت نہیں کریں گے۔

وزیراعلیٰ اور بلوچستان عوامی پارٹی کے صدر نے کہا کہ ان کی پارٹی سے تعلق رکھنے والے اراکین قومی اسمبلی اور سینیٹرز کو بجٹ اجلاس میں احتجاجاً شرکت نہ کرنے کی واضح ہدایات جاری کی گئی ہیں اور پارٹی پالیسی کی خلاف ورزی کرنے والے قانون سازوں کے خلاف سخت تادیبی کارروائی کی جائے گی۔

انہوں نے کہا کہ بجٹ اجلاس کے بائیکاٹ کی وجہ وفاقی حکومت کا بلوچستان کے بارے میں رویہ ہے جو منگل کو ہونے والے قومی اقتصادی کونسل کے اجلاس میں شرکت نہ کرنے کی وجہ بھی ہے۔

عبدالقدوس بزنجو نے کہا کہ بلوچستان کو شدید مالی مسائل کا سامنا ہے، ان مسائل کی بنیادی وجہ تعاون کا فقدان اور صوبے کی تجاویز اور ترقیاتی منصوبوں کو نظرانداز کرنا ہے، وفاقی حکومت سے ہماری کوئی ذاتی رنجش نہیں ہے اور اختلافات اصولوں پر مبنی ہیں۔

انہوں نے مزید کہا کہ متعدد درخواستوں اور یاد دہانیوں کے باوجود صوبے کے آئینی حقوق نہیں دیے جا رہے۔

ان کا کہنا تھا کہ وفاقی حکومت صوبے کے مسائل حل کرنے کے وعدے کرتی ہے اور یقین دہانیاں کراتی ہے لیکن اسلام آباد کی طرف سے کچھ نہیں کیا گیا حالانکہ یہ ایک حقیقت ہے کے کہ ہمارے مطالبات آئینی بنیادوں پر ہیں، ہم کوئی ناجائز مطالبہ نہیں کر رہے ہیں۔

عبدالقدوس بزنجو نے کہا کہ وفاق کے پی ایس ڈی پی میں شامل بلوچستان کے منصوبے نامکمل ہیں کیونکہ ان کے لیے فنڈز جاری نہیں کیے جا رہے, بلوچستان کی قومی شاہراہیں گزشتہ سال کے سیلاب سے بری طرح تباہ ہوئیں لیکن نیشنل ہائی وے اتھارٹی نے ان کی تعمیر نو اور مرمت کے لیے کچھ نہیں کیا۔

ان کا کہنا تھا کہ این ایف سی ایوارڈ میں بلوچستان کا حصہ صوبائی حکومت کو نہیں دیا گیا بلکہ اسے بھی کم کر دیا گیا ہے۔

انہوں نے کہا کہ ہم اپنے جائز مطالبات اور آئینی پوزیشن پر قائم ہیں اور آصف علی زرداری، مولانا فضل الرحمٰن اور سردار اختر جان مینگل کے ساتھ ساتھ صوبائی رہنماؤں پر زور دیا کہ وہ صوبائی حکومت کے موقف کو مضبوط کریں۔

مشہور خبریں۔

اسرائیل کا مستقبل کیسا ہوگا؛صیہونی خفیہ ایجنسی کے سابق سربراہ کی زبانی

?️ 21 جولائی 2023سچ خبریں: صیہونی انٹیلی جنس اور داخلی سلامتی کے ادارے کے سابق

حماس اسرائیل کو دھوکہ دینے میں کامیاب: معاریو

?️ 12 جون 2024سچ خبریں: عبرانی زبان کے اخبار Ma’ariv کے تجزیہ کار Eitan Golboa

کیا شام میں بھی خفیہ جیلیں ہیں؟

?️ 10 دسمبر 2024سچ خبریں:شام کی ایک تنظیم نے صیدنایا جیل میں زیرزمین یا خفیہ

عارضی جنگ بندی سے جیت کس کی ہوئی؟ حماس کی یا صیہونی حکومت کی؟

?️ 25 نومبر 2023سچ خبریں: اس میں کوئی شک نہیں کہ 4 روزہ عارضی جنگ

امریکا افغانستان میں برے طریقے سے پھنس چکا ہے: وزیر اعظم

?️ 28 جولائی 2021اسلام آباد (سچ خبریں) وزیراعظم عمران خان نے کہا کہ افغان مسئلے

فلسطینی ہلال احمر سوسائٹی کے خلاف صہیونیوں کی 103 کارروائیاں

?️ 24 فروری 2022سچ خبریں:   فلسطینی ہلال احمر سوسائٹی نے اعلان کیا ہے کہ صیہونی

وزیراعظم عرب سمٹ کے غیر معمولی اجلاس میں شرکت کےبعد کلائمٹ سمٹ کیلئے باکو روانہ

?️ 12 نومبر 2024اسلام آباد: (سچ خبریں) وزیراعظم محمد شہباز شریف عرب اسلامک ممالک کے

عراق میں امریکی فوجی رسد کے قافلے پر حملہ

?️ 14 دسمبر 2021سچ خبریں:عراقی میڈیا ذرائع نے اطلاع دی ہے کہ آج صبح عراق

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے