🗓️
خیبرپختونخوا(سچ خبریں) وزیردفاع پرویز خٹک نے دعویٰ کیا ہے کہ وہ چاہیں تو عمران خان کی حکومت ایک دن بھی نہیں چل سکتی تاہم عمران خان کے ان پر کافی احسانات ہیں۔
صوبہ خیبرپختونخوا کے ضلع نوشہرہ میں اپنے آبائی علاقے مانکی شریف میں ہفتے کو ایک اجتماع سے خطاب میں وزیر دفاع کا کہنا تھا کہ میں جسے چاہوں اونچائی پر لے جاتا ہوں اور جسے چاہوں صفر کرتا ہوں اور یہ میری محنت کا نتیجہ ہے۔
انہوں نے کہا کہ میں پورے ملک سے مقابلہ کر رہا ہوں اور اگر میں کچھ گڑ بڑ کروں تو عمران خان کی حکومت ایک دن بھی نہ چلے لیکن عمران خان کے مجھ پر احسانات ہیں۔
اپنے خطاب میں پرویز خٹک کا کہنا تھا کہ حکومتی اراکین کے ساتھ ساتھ اپوزیشن کو بھی میں سنبھالتا ہوں اور سب ہی میری عزت کرتے ہیں۔
واضح رہے کہ نوشہرہ کے حلقے پی کے 63 میں 19 فروری کو ضمنی انتخابات ہورہے ہیں اور ایسے میں پرویز خٹک اور ان کے بھائی صوبائی وزیر لیاقت خٹک کے درمیان اختلافات کی خبریں زبان زد عام ہیں۔
دوسری جانب اپنے اس بیان کے بعد پرویز خٹک نے سماجی رابطوں کی ویب سائٹ ٹوئٹر پر ایک طرح کی وضاحتی ٹوئٹ بھی کی۔
اپنی ٹوئٹ میں پرویز خٹک نے لکھا کہ نوشہرہ میں میرے گاؤں کے مقامی لوگوں سے خطاب میں واضح ذکر کیا کہ میں عمران خان کا مخلص اور احسان مند ہوں۔
انہوں نے کہا کہ ہماری کوششوں اور عمران خان کی حمایت سے ہم ہر علاقے میں کامیاب ہیں اور ہم ضمنی انتخاب کے لیے ہمارے حمایت یافتہ اُمیدواروں کے مقابلے میں کھڑے ہونے والی تمام اپوزیشن جماعتوں کو شکست دیں گے۔
خیال رہے کہ پرویز خٹک موجودہ دور حکومت کے آغاز سے ہی وزیر دفاع کے منصب پر فرائض انجام دے رہے ہیں اور یہ ان کچھ وزرا میں شامل ہیں جن کا عمران خان کی حکومت کے دوران قلمدان تبدیل نہیں ہوا۔
پرویز خٹک اس سے قبل بھی پاکستان تحریک انصاف کی خیبرپختونخوا حکومت کا حصہ رہے ہیں اور انہوں نے صوبے کے وزیراعلیٰ کے طور پر بھی فرائض انجام دیے۔
تحریک انصاف کے سینئر رہنما پرویز خٹک جولائی 2018 کے عام انتخابات میں قومی اسمبلی کے حلقہ 25 (نوشہرہ ون) سے رکن منتخب ہوئے تھے۔
مشہور خبریں۔
ویانا میں موجود امریکی سفارت کاروں میں پُراسرار بیماری کا انکشاف، سائنسدانوں نے تحقیقات شروع کردیں
🗓️ 18 جولائی 2021ویانا (سچ خبریں) ویانا میں موجود امریکی سفارت کاروں اور دیگر عہدیداروں
جولائی
شہباز شریف جدہ پہنچ گئے
🗓️ 30 اپریل 2022جدہ:(سچ خبریں)وزیر اعظم شہباز شریف دورہ سعودی عرب کے دوسرے روز جمعہ
اپریل
عالمی فوجداری عدالت کے بارے میں امریکی ایوان نمائندگان کی رائے
🗓️ 5 جون 2024سچ خبریں: دیوان کیفری بینالمللی کی جانب سے صہیونی حکومت کے اعلی
جون
ٹیکنوکریٹ حکومت لانے کا شوشہ چھوڑا جا رہا ہے، عمران خان
🗓️ 28 دسمبر 2022اسلام آباد:(سچ خبریں) سابق وزیراعظم اور پاکستان تحریک انصاف (پی ٹی آئی)
دسمبر
بیرسٹر گوہر کے گھر سے کوئی سامان چوری نہیں ہوا نہ توڑ پھوڑ نہیں کی گئی، آئی جی اسلام آباد
🗓️ 13 جنوری 2024اسلام آباد: (سچ خبریں) اسلام آباد پولیس کے انسپکٹر جنرل (آئی جی)
جنوری
دفعہ 144 نافذ کیے جانے کے بعد پی ٹی آئی کا آج لاہور میں ریلی ملتوی کرنے کا اعلان
🗓️ 12 مارچ 2023اسلام آباد:(سچ خبریں) نگران پنجاب حکومت کی جانب سے لاہور میں دفعہ
مارچ
وزیر اعلیٰ سندھ نے کیسز میں اضافے کی صورت میں سخت فیصلے کئے جانے کا عندیہ دے دیا
🗓️ 17 مئی 2021کراچی (سچ خبریں)وزیراعلیٰ سندھ مراد علی شاہ نے خبردار کیا ہے کہ
مئی
شام میں جولانی کی منصوبہ بندی کیا ہے؟
🗓️ 20 دسمبر 2024سچ خبریں: احمد الشرع جو ابو محمد الجولانی کے نام سے جانا جاتا
دسمبر