وزیراعظم آفس کے اسٹاف کا بھی کورونا ٹیسٹ مکمل کر لیا گیا

?️ 22 مارچ 2021

اسلام آباد(سچ خبریں) کورونا ویکسین لگنے کے دو دن بعد ہی وزیراعظم عمران خان کا کورونا ٹیسٹ مثبت آیا تھا  جس کے بعد سے انھوں نے خود کو گھر میں قرنطینہ کیا ہوا ہے اس دوران وزیراعظم آفس کے اسٹاف کا بھی کورونا ٹیسٹ مکمل کرلیا گیا، تاحال کوئی رپورٹ مثبت نہیں آئی۔

ذرائع کے مطابق وزیراعظم آفس عملے میں سے تاحال کسی کا کورونا پازیٹو نہیں آیا، ٹیسٹنگ کا مرحلہ مکمل کرلیا گیا ہے تاہم اسٹاف کے بعض افراد کی رپورٹ ابھی آنا باقی ہے۔آفس عملے کے بعض افراد کے ٹیسٹ کی رپورٹ کا انتظار ہے۔ خیال رہے عمران خان کے کورونا کا شکار ہونے کے بعد وزیراعظم آفس کے تمام عملے کی ٹیسٹنگ ہوئی۔

یاد رہے کہ کورونا ویکسین لگنے کے دو دن بعد ہی وزیراعظم عمران خان کا کورونا ٹیسٹ مثبت آیا تھا، جس کے بعد سے انھوں نے خود کو گھر میں قرنطینہ کیا ہوا ہے۔ اس ضمن میں وزارت صحت کا کہنا تھا کہ عمران خان کو دو روز قبل صرف ایک ڈوز دی گئی تھی اور اتناکم عرصہ ویکسین کےمؤثرہونے کے لیے ناکافی ہوتا ہے۔

وزیراعظم عمران خان کے بعد ان کی اہلیہ بشریٰ بی بی میں بھی کورونا وائرس کی تشخیص ہوئی ہےوزیراعظم عمران خان کے معاون خصوصی برائے اوورسیز پاکستانیز ذلفی بخاری نے بشریٰ بی بی کے کورونا میں مبتلا ہونے کی تصدیق کی۔

اپنی ٹوئٹ میں ذلفی بخاری کا کہنا تھا کہ اللہ پاک وزیراعظم اور خاتون اول کو شفا عطا فرمائے۔ بعد ازاں وزیراعظم کے معاونِ خصوصی برائے سمندر پار پاکستانی و افرادی قوت زلفی بخاری نے بتایا تھا کہ عمران خان کی اہلیہ بھی کرونا کا شکار ہوگئیں ہیں۔