وزیراعظم آزاد کشمیر سردار تنویر الیاس خان کا رات گئے مظفرآباد ڈویژن کے مختلف علاقوں کا دورہ

🗓️

مظفرآباد: (سچ خبریں) وزیراعظم آزاد کشمیر سردار تنویر الیاس خان کا رات گئے مظفرآباد ڈویژن کے مختلف علاقوں کا دورہ, علاقے کی تعمیر و ترقی اور جاری ترقیاتی منصوبوں کے حوالے سے سرکاری حکام کو اہم ہدایات جاری.

میڈیا سے گفتگو میں اپوزیشن کو بھی پیغام دے دیا، 29ستمبر کو مظفر آباد جلسے کی تیاریوں اور عمران خان کے استقبال بارے پی ٹی آئی کے رہنماؤں اور کارکنوں کو ٹاسک دے دیا۔ 

تفصیلات کے مطابق وزیراعظم آزاد کشمیر سردار تنویر الیاس خان  نے کہا کہ مظفرآباد ڈویژن میں تحریک انصاف کے لاکھوں ووٹرز موجود ہیں جو اپنے قائد عمران خان سے بے پناہ محبت رکھتے ہیں، چیئرمین تحریک انصاف عمران خان کا جلسہ آزاد کشمیر کی تاریخ کا سب سے بڑا جلسہ ہو گا، جلسے کی تیاریوں کے سلسلہ میں کارکنان اپنی تمام توانائیاں صرف کریں، جلسے میں خواتین کی بہت بڑی تعداد شریک ہو گی، اس سلسلہ میں پارٹی کی جانب سے پنڈال میں خصوصی انتظامات کئے جائیں۔ 

انہوں نے کہا کہ مظفرآباد ڈویژن قدرتی نعمتوں سے مالا مال ہے، بدقسمتی سے ماضی میں اس ڈویژن کے  تعمیراتی کام تعطل کا شکار رہے ہیں تاہم اب تحریک انصاف کی حکومت آزاد کشمیر کی حکومت تمام اضلاع میں مساوی بنیادوں پر تعمیر و ترقی کے منصوبوں پر عملدرآمد کر رہی ہے ۔

وزیراعظم سردار تنویر الیاس خان نے عدم اعتماد کی بازگشت پہ گفتگو کرتے ہوئے کہا کہ تحریک انصاف آزاد کشمیر کی حکومت عمران خان کے ویژن کے مطابق اقتدار نچلی سطح پر منتقلی کے لئے دہائیوں بعد بلدیاتی انتخابات کا انعقاد کر رہی  ہےجسے اپوزیشن جماعتیں ایسا نہیں چاہتیں۔ تحریک انصاف کی حکومت کو کوئی خطرہ نہیں۔اپوزیشن کی کوئی چال کامیاب نہیں ہو گی،حکومت مخالف جماعتیں اپنا شوق پورا کر لیں،انہیں ناکامی کا منہ دیکھنا پڑے گا۔وزیراعظم آزاد کشمیر سردار تنویر الیاس خان کا کہنا تھا کہ نوجوانوں کو روزگار فراہم کرنے کے لیے پرائیویٹ سیکٹر میں مواقع فراہم کیے جا رہے ہیں، نوجوان اس خطے کا مستقبل ہیں،اپنے نوجوانوں کے روشن مستقبل کے لئے کوئی کسر نہیں چھوڑیں گے ۔ وزیراعظم آزاد کشمیر سردار تنویر الیاس خان نے کہا کہ سیاحت، انفارمیشن ٹیکنالوجی اور انڈسٹریل زون میں ترجیحی بنیادوں پر اصلاحات کی جا رہی ہیں۔آئی ٹی زون کے قیام کے لئے بنیادی اقدامات کر لئے ہیں،اس سلسلے میں پرائیویٹ سیکٹر کو خصوصی مراعات دینے جا رہے ہیں،دیار غیر میں بیٹھے کشمیریوں سے بھی مکمل رابطے میں ہیں۔

مشہور خبریں۔

سیف القدس جنگ کی فتح میں شہید قاسم سلیمانی شریک تھے:فلسطینی مزاحمتی تحریک

🗓️ 22 مئی 2022سچ خبریں:سیف القدس کی جنگ میں فتح کی سالگرہ کے موقع پر

غزہ میں صیہونی جرائم کے تازہ ترین اعدادوشمار

🗓️ 24 نومبر 2023سچ خبریں:غزہ میں حماس کی اطلاعاتی ایجنسی فطرکے مطابق صیہونی حکومت نے

حکومت نے انتخابی اصلاحات کی پارلیمانی منظوری مؤخر کر دی

🗓️ 21 نومبر 2021اسلام آباد ( سچ خبریں) انتخابی اصلاحات کی پارلیمانی منظوری مؤخر کردی

پاکستان کی خوشحالی کیلئے نئی حکومت کیساتھ کام کرنے کے منتظر ہیں، آئی ایم ایف

🗓️ 23 فروری 2024اسلام آباد: (سچ خبریں) بین الاقوامی مالیاتی فنڈ (آئی ایم ایف) کا

جب تک سرزمین فلسطین کو مکمل آزادی نہیں مل جاتی جدوجہد جاری رہے گی: انصاراللہ

🗓️ 31 مارچ 2022سچ خبریں:  تحریک انصاراللہ کے سیاسی بیورو نے تل ابیب کے علاقے

فلسطینیوں کے آتشین غبارے صیہونیوں کے لئے وبال جان

🗓️ 26 جولائی 2021سچ خبریں:صہیونی ذرائع نے غزہ کے آس پاس صہیونی بستیوں میں فلسطینیوں

طالبان افغانستان پر قبضہ کرسکتے ہیں، امریکی خفیہ اداروں نے اہم انتباہ جاری کردیا

🗓️ 27 مارچ 2021واشنگٹن (سچ خبریں) امریکی خفیہ اداروں نے طالبان کے حوالے سے اہم

یمن پر امریکی حملے مزید وسیع ہوں گے:امریکی اخبار

🗓️ 30 مارچ 2025 سچ خبریں:امریکی خبررساں ادارے ایسوسی ایٹڈ پریس نے یمن پر حملوں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے