مغربی ممالک میں اسلاموفوبیا کے بڑھتے واقعات پر تشویش ہے: فواد چوہدری

?️ 30 جون 2021

اسلام آباد (سچ خبریں) مغربی ممالک میں آئے دن اسلامو فوبیا کے  بڑھتے واقعات کو دیکھتے ہوئے وفاقی وزیر اطلاعات فواد چوہدری نے سخت تشویش کا اظہار کیا ہے  اور کہا ہے کہ  ایسے واقعات کے روک تھام کیلئے موثراقدامات اٹھائے جانا ضروری ہیں۔

تفصیلات کے مطابق مغربی ممالک میں اسلاموفوبیا کے واقعات میں اضافہ ہوتا جارہا ہے ، اس حوالے سے وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر اپنے پیغام میں کہا کہ کینیڈا میں چند ہفتے قبل ایک پاکستانی فیملی کو نسل پرستانہ حملےمیں شہیدکیا گیا۔

ان کا کہنا تھا  کہ اب دوبارہ کینیڈا کے شہر سسکٹون میں ایک اور شہری کاشف پرانتہاپسندوں نے خنجروں سے حملہ کیا ہے، مغربی معاشرے میں اسلاموفوبیا کے بڑھتے واقعات پر تشویش ہے، امید کرتے ہیں ایسےواقعات کے روک تھام کیلئےموثراقدامات اٹھائے جائیں گے۔

یاد رہے کینیڈا کے شہر سسکٹون میں دو چاقو بردار افراد نے حملہ کرکے پاکستانی نژاد کاشف کو شدید زخمی کردیا تھا، اور اس کی داڑھی بھی کاٹ دی تھی ، جس پر شہر کے میئر نے واقعہ پر شدید غم و غصے کا اظہار کیا اورانصاف فراہم کرنے کی یقینی دہانی کرائی

سسکاٹون کے میئر کا کہنا تھا کہ واقعے پر صدمے میں ہیں، نسل پرستی، اسلاموفوبیا یا کسی بھی قسم کے امتیازی سلوک کے خلاف تحقیقات اور ذمہ داروں کو کٹہرے میں لانے کی ضرورت ہے۔