عید پیکیج تقسیم کرنے کی تصاویر شائع ہونے پر وزیراعلیٰ علی امین گنڈاپور برہم

?️

پشاور: (سچ خبریں) خیبرپختونخوا حکومت کی جانب سے مستحق خاندانوں میں عید پیکج تقسیم کرنے کی تصاویر شائع کرنے کے معاملے کا وزیراعلیٰ خیبر پختونخوا علی امین گنڈاپور نے نوٹس لے لیا۔

میڈیا کے مطابق وزیر اعلیٰ خیبرپختونخوا پیکج تقسیم کرنے کی تصاویر پر شدید اظہارِ برہمی کیا، ساتھ ہی متعلقہ سرکاری حکام اور عوامی نمائندوں سے وضاحت بھی طلب کرلی۔

علی امین گنڈاپور نے کہا کہ بعض سرکاری حکام اور منتخب عوامی نمائندگان کی جانب سے کیا گیا یہ عمل حکومتی اور پارٹی پالیسی کی خلاف ورزی ہے کیونکہ ایسا کرنے سے مستحقین کی عزت نفس مجروح ہوئی ہے۔

انہوں نے مزید کہا کہ صوبائی حکومت نے ایک شفاف طریقے سے ساڑھے آٹھ لاکھ مستحق خاندانوں کو رمضان پیکیج دیا اور عزت نفس مجروح نہیں کرنے کے پیشِ نظر بینک اکاونٹس کے ذریعے مستحق خاندانوں کو رمضان پیکج پہنچایا۔

وزیراعلیٰ علی امین گنڈاپور نے مؤقف اختیار کیا کہ پارٹی اور حکومتی پالیسی تھی کہ تصاویر اور ویڈیوز شائع کرنے سے اجتناب کیا جائے، یہی وجہ ہے کہ میں نے بحیثیت وزیر اعلیٰ پیکج تقسیم کرنے کی کسی بھی تقریب میں شرکت نہیں کی اور نہ ہی پیکج تقسیم کیا۔

انہوں نے مزید کہا کہ اس عمل پر انہوں نے متعلقہ افراد سے وضاحت طلب کر لی ہے۔

ساتھ ہی انہوں نے کہا کہ آئندہ اس بات کو یقینی بنایا جائے گا کہ امداد یا پیکج کے نام پر کسی کی بھی عزت نفس مجروح نہ ہو۔

واضح رہے کہ چند روز قبل پاکستان تحریک انصاف خیبرپختونخوا کے سوشل میڈیا اکاؤنٹس کے ذریعے مستحق افراد میں عید پیکج کی تقسیم کی تصاویر شائع ہوئی تھیں جن پر سوشل میڈیا پر کافی تنقید بھی کی گئی تھی۔

مشہور خبریں۔

پاکستانی طلبہ نے بین الاقوامی اولمپيڈ برائے انفارمیٹکس میں 4 میڈل جیت لیے

?️ 5 اگست 2025اسلام آباد: (سچ خبریں) پاکستانی طلبہ کی 4 رکنی ٹیم نے بین

فلسطینی پناہ گزینوں کے ٹینٹوں پر صیہونی بمباری پر امریکہ کا ردعمل!!

?️ 15 اکتوبر 2024سچ خبریں: ایک دن کی تاخیر کے بعد آج صبح امریکی سلامتی

وزیر خارجہ کا  کشمیریوں کے حق خودارادیت کی حمایت جاری رکھنے کا اعلان

?️ 11 اکتوبر 2021اسلام آباد(سچ خبریں)وزیر خارجہ شاہ محمود قریشی نے کشمیریوں کے حق خود

امریکہ روس کو غیر مستحکم کرنا چاہتا ہے:روسی نائب وزیر خارجہ

?️ 30 نومبر 2021سچ خبریں:روس کے نائب وزیر خارجہ نے کہا ہے کہ واشنگٹن روس

امریکی وزیر خارجہ نے مادورو کی توہین کی: وہ وحشی تھا اور اس نے ہماری بات نہیں سنی

?️ 4 جنوری 2026سچ خبریں: ارکو روبیو نے کہا کہ امریکا نے وینزویلا کے صدر

اسلامی جہاد اور حماس کے درمیان بیروت میں ہونے والی ملاقات کا مواد

?️ 27 اگست 2022سچ خبریں:    حماس تحریک کے ایک وفد نے جس میں اس

غزہ جنگ میں مغربی میڈیا کا رول

?️ 13 نومبر 2023سچ خبریں: آج ہم مغربی میڈیا کی طرف سے ایک قسم کی

نیتن یاہو نے ہمیں ایران کے خلاف استعمال کیا: ٹرمپ

?️ 13 دسمبر 2021سچ خبریں:سابق امریکی صدر ڈونلڈ ٹرمپ نے اعتراف کیا کہ سابق اسرائیلی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے