عدالت کا احترام ہم پر لازم ہے لیکن عدالت پارلیمنٹ کی کارروائی میں مداخلت نہیں کر سکتی:امجد خان نیازی

میں نے وزیراعظم کو خبردار کیا تھا کہ شاہ محمود قریشی آپ کو پھنسائے گا، اسی نے آج وزیراعظم کو پھنسوایا ہے۔اسپیکر صاحب عدالت کا حکم ہے آپ کو آج ووٹنگ کرنی ہے، اپوزیشن کہیں نہیں جائے گی، سپریم کورٹ بھی یہاں پر ہی ہے۔ ہم آئینی حقوق چھین کر لیں گے۔ انہوں نے کہا کہ وزارت خارجہ کو استعمال کرکے آئین شکنی اور توہین عدالت پر مجبور کررہے ہیں، حقیقت یہ ہے کہ اکثریت اس طرف ہے، عمران اپنی اکثریت کھو بیٹھا ہے، بیرونی سازش کا جو رٹ لگا ہوا ہے، یہ ایجنڈا سے ہٹ کر ہے، اس پر بحث 100دن بھی کرسکتے ہیں۔
شاہ محمود قریشی کے کہانی میں کتنے جھوٹ سامنے لے کر آؤں؟ سب سے پہلے 7مارچ کو کہانی بنائی گئی ،8مارچ کو ہمارا عدم اعتماد جمع ہوا، جبکہ امریکا اور پاکستان میں ٹائم کا فرق ہے،اگر وہاں 7مارچ ہے تو یہاں 8مارچ ہے، پھرحکومت کے بقول جب گفتگو جاری تھی اسی وقت عدم اعتماد پیش ہوئی، میں شاہ محمود قریشی کو جانتا ہوں، یہ عمران خان کیلئے نہیں اپنے لیے سوچ رہے ہیں۔