?️
اسلام آباد:(سچ خبریں) بڑھتی ہوئی عسکریت پسندی کی روک تھام کے لیے نگران حکومت نے عام انتخابات 2024 سے قبل خیبر پختونخوا میں ہزاروں سیکیورٹی اہلکار تعینات کرنے کا فیصلہ کرلیا ہے۔
پاکستان میں 8 فروری 2024 کو منعقد ہونے والے انتخابات پہلے سے ہی دھاندلی کے الزامات کی زد میں ہیں جہاں سابق وزیر اعظم عمران خان جیل میں قید ہیں اور انہیں الیکشن میں حصہ لینے کی اجازت بھی نہیں ہے۔
ماضی میں بھی انتخابی مہم کے دوران تشدد کے واقعات رونما ہوئے ہیں جہاں کئی امیدواروں اور ووٹرز کو دھماکوں اور فائرنگ کے ذریعے نشانہ بنایا گیا۔
کمانڈر معظم جاہ انصاری نے اے ایف پی کو بتایا کہ فروری کے پہلے ہفتے میں افغانستان کی سرحد سے ملحقہ خیبر پختونخوا میں تقریبا 5 ہزار فرنٹیئر کانسٹیبلری (ایف سی) فورسز کو تعینات کیا جائے گا۔
ایک سینئر علاقائی حکومتی اہلکار نے اے ایف پی کو بتایا کہ امن و امان کی صورتحال خراب ہورہی ہے اور الیکشن والے دن پولنگ اسٹیشنز میں اضافی پولیس کی ٹیموں کو تعینات کیا جائے گا۔
اسلام آباد میں مزید 1ہزار 700 ایف سی کے جوان اور کراچی میں 400 اہلکاروں کو عسکریت پسندوں کے حملوں کا نشانہ بننے والی پولیس کی مدد کرنے کا کام سونپا گیا ہے۔
اسی دوران منگل کو جاری ہونے والے ایک بیان میں سندھ کے نگران وزیر اعلٰی جسٹس (ر) مقبول باقر نے خبردار کیا کہ الیکشن میں حصہ لینے والوں پر حملے کی متعدد رپورٹ موصول ہوئی ہیں۔
جرم کی لہر میں اضافے کی نشاندہی کرتے ہوئے ان کا مزید کہنا تھا کہ کچھ امیدواروں کو دن دہاڑے اغوا بھی کیا گیا ہے۔
اسلام آباد میں قائم سینٹر فار ریسرچ اینڈ سیکیورٹی اسٹڈیز کے مطابق گزشتہ سال دہشتگردانہ کارروائیوں میں جاں بحق ہونے والوں کی تعداد 6 سال کی بلند ترین سطح پر پہنچ گئی تھی جس میں 1 ہزار 500 سے زیادہ عام شہری، سیکیورٹی فورسز اور عسکریت پسند شامل ہیں۔
ملک کے لیے سب سے بڑی عسکریت پسند جماعت کالعدم تحریک طالبان پاکستان (ٹی ٹی پی) ہے۔
اسلام آباد نے کابل کی طالبان حکومت پر الزام لگایا ہے کہ وہ ٹی ٹی پی کے جنگجوؤں کو پناہ دے رہی ہے اور انہیں پاکستانی سرزمین پر بلا امتیاز حملہ کرنے کی اجازت دی ہوئی ہے، دوسری جانب کابل نے مسلسل ان الزامات کی تردید کی ہے۔
گزشتہ سال جنوری میں ٹی ٹی پی کو پشاور میں ایک مسجد بم دھماکے کے ساتھ جوڑا گیا تھا جس میں ایک ہیڈکوارٹر کے اندر 80 سے زائد پولیس اہلکار جاں بحق ہوگئے تھے۔
بعد ازاں دسمبر میں ٹی ٹی پی سے وابستہ ایک نے گروہ اسی صوبے کے ایک فوجی اڈے پر دھماکا خیز مواد سے بھری گاڑی کو ٹکرا دیا تھا جس کے نتیجے میں 23 فوجی جاں بحق ہو گئے تھے۔
مشہور خبریں۔
صیہونیوں سے لے کر فلسطینی اتھارٹی تک غزہ میں قحط کے 5 بڑے ذمہ دار
?️ 1 جون 2025 سچ خبریں:غزہ میں قحط اور بھوک کی پالیسی صرف اسرائیل نہیں
جون
شہباز شریف اگر ملک سے باہر چلے جاتے تو واپس لانا مشکل ہو جاتا
?️ 18 مئی 2021اسلام آباد(سچ خبریں)وفاقی وزیر داخلہ شیخ رشید احمد نے کہا ہے کہ
مئی
بائیڈن ٹرمپ سے کیوں بھاگتے ہیں؟
?️ 6 فروری 2024سچ خبریں: ٹرمپ کی جانب سے بائیڈن کو مناظرے کی پیشکش دیے
فروری
اقوام متحدہ میں پاکستان کا مؤقف بھرپور انداز میں پیش، پارلیمانی وفد کا 2 روزہ دورہ مکمل
?️ 4 جون 2025اسلام آباد: (سچ خبریں) اقوام متحدہ میں پاکستان کا مؤقف بھرپور انداز
جون
پاکستان کی پہلی اینی میٹڈ فیچر فلم ’اللہ یار اینڈ دی 100 فلاورز آف گاڈ‘ ریلیز کیلئے تیار
?️ 16 فروری 2023کراچی: (سچ خبریں) پاکستان کی پہلی ایکشن اور تھرلر سے بھرپور اینی
فروری
امریکہ کی ترکی شام تعلقات کی بحالی کی مخالفت
?️ 21 جنوری 2023سچ خبریں:ترکی میں امریکی سفیر نے ترکی اور شام کے تعلقات کو
جنوری
امارات کی پالیسیوں سے امریکہ نا مطمئن؛ وجہ؟
?️ 8 جنوری 2024سچ خبریں:متحدہ عرب امارات کے قیام کے بعد، امریکہ اسے تسلیم کرنے
جنوری
بجلی کی اوور بلنگ پر ایف آئی اے اور لیسکو نے معاملات طے کرلیے
?️ 23 اپریل 2024لاہور: (سچ خبریں) بجلی کی اوور بلنگ کے معاملے پر ایف آئی اے
اپریل