?️
اسلام آباد: (سچ خبریں) عالمی بینک نے کہا ہے کہ 2023 کی پہلی ششماہی میں سعودی عرب سے بھیجی جانے والی ترسیلات زر میں 13 فیصد کمی کے نتیجے میں پاکستان میں ترسیلات زر کی آمد میں ممکنہ طور پر کمی ہوسکتی ہے۔
عالمی بینک کی جانب سے جاری تازہ ’مائگریشن اینڈ ڈیولپمنٹ بریف‘ میں بتایا گیا کہ سعودی عرب میں میگا منصوبوں کے سبب غیر ملکی مزدوروں میں نمایاں اضافے کے باوجود سال 2023 کی پہلی ششماہی میں سعودی عرب سے ترسیلات زر کے انخلا میں 13 فیصد کمی ریکارڈ کی گئی۔
رپورٹ میں مزید کہا گیا کہ اس تنزلی کی وجہ کورونا وبا کے بعد ایڈجسٹمنٹس کے علاوہ سعودی عرب کی جانب سے حالیہ پالیسی ہے، جس کے تحت بیرون ملک سے آئے مزدوروں کو اپنے اہل خانہ کو لانے کی اجازت دی گئی ہے، نتیجتاً ممکنہ طور پر یہ اپنے ممالک کم ترسیلات زر بھیجیں گے۔
عالمی بینک نے کہا کہ اس فیصلے کے نتیجے میں پاکستان اور شمالی افریقی ممالک پر ترسیلات زر کے حوالے سے منفی اثرات مرتب ہو سکتے ہیں۔
عالمی بینک نے رپورٹ میں بتایا کہ پاکستان میں ادائیگیوں کے توازن کے بحران اور بلند قرضوں کی وجہ سے پیدا ہونے والی بڑھتی ہوئی معاشی بدحالی نے عوامی اعتماد کو مزید نقصان پہنچایا ہے، جس کی عکاسی باضابطہ چینل کے بجائے غیر رسمی ذرائع سے ترسیلات زر بھیجنے سے ہوتی ہے۔
مزید کہا گیا کہ 2023 میں باضابطہ چینل کے ذریعے بھیجی گئی ترسیلات زر میں 20 فیصد تنزلی ہوئی جبکہ 2022 میں 5 فیصد کمی ہوئی تھی۔
عالمی بینک کے مطابق 2023 میں پاکستان کو موصول ہونے والی ترسیلات زر گر کر 24 ارب ڈالر رہنے کا امکان ہے۔
2022 اور 2023 کے اوائل کے درمیان روپے کی قدر میں تیزی سے کمی ہوئی اور حکومت کی درآمدات اور کیپٹل کنٹرول کے ذریعے سرمائے کے اخراج کو محدود کرنے کی کوششوں نے باضابطہ چینل سے ترسیلات زر کی آمد کو غیر رسمی چینل کی طرف موڑ دیا، جس سے غیر ملکی کرنسی کی قلت میں اضافہ ہوا۔
رپورٹ میں مزید بتایا گیا کہ کم اور مڈل آمدنی والے ممالک کو 2023 میں ترسیلات زر میں تقریباً 3.8 فیصد اضافہ ہوا۔
جنوبی ایشیا کو 2023 میں موصول ہونے والی ترسیلات زر 7.2 فیصد اضافے سے 189 ارب ڈالر تک پہنچنے کا تخمینہ لگایا گیا ہے، 2022 میں 12 فیصد اضافہ ہوا تھا۔
اس کی وجہ بھارت کو ملنے والی ترسیلات زر میں اضافہ ہے، جہاں یہ 2023 میں بڑھ کر 125 ارب ڈالر تک پہنچنے کا تخمینہ لگایا گیا ہے۔
مشہور خبریں۔
آزادی کی حدیں بھی ہم طے کریں گے، ٹویٹر نے سیکڑوں اکاؤنٹ بند کر دیے
?️ 24 فروری 2021سچ خبریں:امریکی کمپنی ٹویٹر نے اعلان کیا ہے کہ ایف بی آئی
فروری
این اے 237 میں عمران خان کو شکست، پی ٹی آئی نے پیپلز پارٹی امیدوار کی کامیابی چیلنج کردی
?️ 18 اکتوبر 2022کراچی
سچ خبریں) پاکستان تحریک انصاف (پی ٹی آئی) نے کراچی کے
اکتوبر
نیب نے شاہد خاقان عباسی کے خلاف ایل این جی ریفرنس واپس لے لیا
?️ 30 اپریل 2024اسلام آباد: (سچ خبریں) قومی احتساب بیورو (نیب) نے سابق وزیراعظم شاہد
اپریل
اسرائیلی نیٹ ورک -24 کا دفتر فوری طور پر بند کیا جائے: مراکشی صحافی
?️ 14 جون 2022سچ خبریں: مراکش کے صحافیوں نے پیر کی سہ پہر ایک بیان
جون
وزیراعظم، آرمی چیف کی ملاقات
?️ 13 جون 2023اسلام آباد: (سچ خبریں) وفاقی بجٹ 24-2023 پیش ہونے کے بعد پہلی
جون
لاہور میں تاریخی جلسہ کریں گے‘ مینڈیٹ ان کے حلق سے اُگلوائیں گے، شیر افضل مروت
?️ 13 اپریل 2024پشین: (سچ خبریں) پاکستان تحریک انصاف کے رہنماء شیر افضل خان مروت نے
اپریل
لاہور سمیت ملک کے بڑے شہروں میں شادی اور جلسوں پر پابندی عائد کر دی گی ہے
?️ 13 مارچ 2021لاہور(سچ خبریں) کورونا وائرس کے بڑھتے ہوئے کیسز کی وجہ سے پنجاب
مارچ
فلسطینی خاتون کی 24 سال بعد اپنے اہل خانہ سے مظلومانہ ملاقات
?️ 17 جون 2021سچ خبریں:سناء محمد نامی ایک 47 سالہ فلسطینی خاتون جنہیں 24 سال
جون