طوفانی بارشیں اور سیلابی صورتحال؛ پنجاب میں رین ایمرجنسی نافذ

?️ 17 جولائی 2025

لاہور (سچ خبریں) طوفانی بارشوں اور سیلابی صورتحال کے پیش نظر پنجاب میں رین ایمرجنسی نافذ کر دی گئی۔

تفصیلات کے مطابق سماجی رابطے کی ویب سائٹ ایکس پر اپنے پیغام میں وزیراعلی پنجاب مریم نواز نے کہا کہ طوفانی بارشوں اور سیلابی صورتحال پر پنجاب کے مختلف علاقوں میں رین ایمرجنسی نافذ کر دی ہے۔

ذرائع کے مطابق ان کا کہنا تھا کہ سرکاری ادارے جذبے اور انتھک محنت سے کام کر رہے ہیں، انتظامیہ کو سائرن اور اعلانات کے ذریعے عوام کو آگاہ رکھنے کی ہدایت کی ہے۔

مریم نواز نے عوام سے اپیل کی کہ اداروں سے مکمل تعاون اور حفاظتی ہدایات پر عمل کریں، عوام کے جان و مال کا تحفظ اولین ترجیح ہے۔