صدر مملکت نے عید میلاد النبیؐ پر قیدیوں کی سزا میں خصوصی معافی منظور کرلی

?️ 6 ستمبر 2025

اسلام آباد (سچ خبریں) صدر آصف علی زرداری نے عید میلاد النبیؐ پر قیدیوں کی سزا میں 180 روز کی خصوصی معافی منظور کر لی ہے۔

صدر مملکت کی جانب سے یہ معافی آئین کے آرٹیکل 45 کے تحت وزیراعظم کی مشاورت اور اتفاقِ رائے سے دی گئی ہے۔

وفاقی کابینہ نے 100 روز کی معافی کی سفارش کی تھی، مشاورت کے بعد صدر اور وزیراعظم نے اسے بڑھا کر 180 روز کر دیا۔

خصوصی معافی ان قیدیوں پر لاگو ہوگی جو قانون کے تحت معیار پر پورے اترتے ہیں۔

قتل، دہشت گردی، جاسوسی اور بڑے مالیاتی جرائم میں سزا یافتہ قیدی اس معافی سے مستثنی ہوں گے۔