سینیٹ کی قائمہ کمیٹی داخلہ نے عمران خان پر مقدمات کا نوٹس لے لیا

?️ 23 مارچ 2023

اسلام آباد: (سچ خبریں) سینیٹ کی قائمہ کمیٹی داخلہ نے عمران خان پر مقدمات کا نوٹس لے لیا ہے۔ تفصیلات کے مطابق آئی جی اسلام آباد سے سابق وزیر اعظم عمران خان سمیت پی ٹی آئی کی قیادت کے خلاف مقدمات کی تفصیل طلب کر لی گئی۔

آئی جی اسلام آباد سے سابق وزیر اعظم عمران خان سمیت پی ٹی آئی کی قیادت کے خلاف مقدمات کی تفصیل طلب کر لی گئی

29 مارچ کو پارلیمنٹ ہاؤس میں ہونے والے داخلہ کمیٹی کے اجلاس میں آئی جی اسلام آباد سے سابق وزیر اعظم  سمیت پی ٹی آئی کی قیادت کے خلاف مقدمات کی تفصیل طلب کر لی گئیں، اس کے علاوہ توشہ خانہ کیس میں بھی عمران خان کی پیشی پر دہشتگردی کی دفعات پر بھی بریفنگ کی ہدایت کر دی۔

اجلاس میں آئی جی پنجاب کو بھی عمران خان پر وزیر آباد حملے کے حوالے سے بریفنگ کیلئے طلب کر لیا گیا، داخلہ کمیٹی نے پولیس کی سابق وزیر اعظم کی رہائشگاہ زمان پارک آپریشن کے حوالے سے رپورٹ مانگ لی، پی ٹی آئی کارکن ظل شاہ کی ہلاکت پر آئی جی پنجاب سے رپورٹ طلب کر لی۔

خیال رہے کہ پاکستان تحریک انصاف کے چیئرمین اور سابق وزیراعظم سمیت پی ٹی آئی رہنماؤں اور کارکنان کے خلاف کل 130 مقدمات درج ہوچکے ہیں۔

آئی جی اسلام آباد سے سابق وزیر اعظم عمران خان سمیت پی ٹی آئی کی قیادت کے خلاف مقدمات کی تفصیل طلب کر لی گئی

عدالت میں جمع کروائی گئی رپورٹ کے مطابق اسلام آباد اور پنجاب میں سابق وزیراعظم پر 34 مقدمات درج ہیں، پنجاب میں 6 جبکہ اسلام آباد میں درج مقدمات کی تعداد 28 ہے۔ رپورٹ میں پی ٹی آئی رہنماؤں اور ورکرز پر مقدمات کی تعداد بھی ظاہر کر دی گئی، پنجاب میں پی ٹی آئی رہنماؤں اور ورکرز پر 78 مقدمات قائم کیے گئے ہیں۔ اسلام آباد میں تحریک انصاف کے رہنماؤں اور ورکرز پر 15 مقدمات قائم ہیں۔