سزا ہونے پر کون سے عوام نکلے، عرفان صدیقی کا سینیٹ میں پی ٹی آئی ارکان پر طنز

?️ 12 اگست 2025

اسلام آباد (سچ خبریں) رہنما مسلم لیگ ن سینیٹر عرفان صدیقی نے کہا ہے کہ پی ٹی آئی رہنماؤں کو سزا ہونے پر کون سے عوام نکلے۔

تفصیلات کے مطابق سینٹ اجلاس میں گفتگو کرتے ہوئے عرفان صدیقی کا تحریک انصاف کے رہنماؤں کو کہنا تھا کہ آپ کے لیڈر کو سزا ہوئی آپ احتجاج تہذ یب کے دائرے میں رہ کر کریں۔

ذرائع کے مطابق انہوں نے کہا کہ ہم نے تو نو مئی نہیں کیا، آپ نے کوئٹہ چھاونی سے چکدرہ چھاؤنی تک 250 مقامات پر حملے کیے، کل تک کہتے تھے غلامی نامنظور آج کہتے ہیں آزادی نامنظور۔

رہنما مسلم لیگ ن کا مزید کہنا تھا کہ ایک جُملہ انھوں نے معرکہ حق پر نہیں کہا، کون سی عوام نکلی ہے باہر آپ لوگوں کو سزا ہونے پر؟ ہماری کولیگ بولیں اور ان پر آوازیں کسی جائیں، یہ جمہوریت نہیں ہے۔